युहन्‍ना 9:24 - मध्‍य पुरविया थारू

²⁴ तब यहुदीसब ओइ अन्‍हर लोकके फेनो दोसर बेर बोल्‍याके कहल्‍कै, “परमेस्‍वरके अगा सत-सत बाज, हमसब जानैचियै कि, यि लोक पापी चियै।”

युहन्‍ना 9:24 ပူးပေါင်းရင်းမြစ်များ

मरकुस 15:27

उसब दुइटा डाकुके ओकरसङे एकटाके देहना कात आ दोसरके बमा कात कुरूसमे टाङल्‍कै।

लुका 15:2

तब फरिसीसब आ धरमगुरुसब गुनगुनावे लाग्‍लै “यि लोक त पापी लोकसबके स्‍वागत करैछै आ ओइसबके सङे-सङे बैठके खान-पिन करैछै।”

लुका 19:7

यि देखके सब लोकसब गुदुर-फुसुर करे लाग्‍लै, “यि त पापीके घरमे मेजमान बनैले गेलै!”

लुका 7:39

येसुके नौता दैबला फरिसी यि देखके मनेमन कहेलाग्‍लै, “अगर येसु साच्‍चेके अगमबक्‍ता चियै त छुबैबाली जनिजाइत केहन पापी चियै से जाइनजेतियै।”

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

युहन्‍ना 16:2

उसब तोरासबके सभाघरसबसे निकाइल देतौ। तोरासबके उपर अहिनङो समय एतौ, जे तोरासबके जानोसे मारैबला ‘परमेस्‍वरके सेबा करैचियै’ कैहके सोच्‍तै।

युहन्‍ना 18:30

तब उसब जबाफ देल्‍कै, “यदि यि लोक दोसी नै रहतियै त कथिले हमसब अहाँ लग आनतियै।”

युहन्‍ना 19:6

तब मुख पुजारी आ सिपाहीसब येसुके देखैत मातर हल्‍ला करैत कहेलाग्‍लै, “अकरा लटका, अकरा कुरूसमे लटका!” पिलातस ओइसबके कहल्‍कै, “तुहिसब अकरा ल्‍याजो आ कुरूसमे लटका। हमरा त अकरमे दन्‍ड दैबला कोनो दोस नै भेटलै।”

युहन्‍ना 5:23

ताकि सबकोइ बेटाके आदर करे, जनङ उसब पिताके आदर करैछै। जे कोइ बेटाके आदर नै करैछै, उ लोक बेटाके पठाइबला पितोके आदर नै करैछै।

युहन्‍ना 8:46

तोरासबमेसे कोइ परमानित करेसकैचिही कि हम पापके दोसी चियै? जब हम सत बाइजरहलचियै त कथिले हमरा बिस्‍बास नै करैचिही?

युहन्‍ना 8:49

येसु कहल्‍कै, “हमरा भुत नै लागल छै। हम आपन पिताके आदर करैचियै आ तुसब हमरा अनादर करैचिही।

युहन्‍ना 9:16

कोनो-कोनो फरिसीसब कहल्‍कै, “यि लोक परमेस्‍वर दिसनसे नै एलछै, कथिलेत उ पबितर बिसराम दिनके पालन नै करैछै।” महज दोसर लोकसब कहेलाग्‍लै, “जे पापी हेतै, उ एहेन अचमके चेन्‍हासब कनङके देखाइले सक्‍तै?” अहै बातमे ओइसबके आपनमे मतभेद भ्‍यागेलै।

युहन्‍ना 9:25

उ जबाब दैत कहल्‍कै, “उ पापी छै कि नै छै, से हम नै जानैचियै! महज एकटा बात हम जानैचियै, हम अन्‍हर रहियै, महज अखुन देखैबला भेलचियै।”

रोमी 8:3

बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

परकास 11:13

तखुन्‍ते एकटा बरका भुमकौन गेलै आ सहरके दस भाग खैसपरलै। उ भुमकौनसे सात हजार लोक मरलै। बाकी बचलहासब डरसे स्‍वरगके परमेस्‍वरके महिमा करल्‍कै।