युहन्‍ना 9:16 - मध्‍य पुरविया थारू

¹⁶ कोनो-कोनो फरिसीसब कहल्‍कै, “यि लोक परमेस्‍वर दिसनसे नै एलछै, कथिलेत उ पबितर बिसराम दिनके पालन नै करैछै।” महज दोसर लोकसब कहेलाग्‍लै, “जे पापी हेतै, उ एहेन अचमके चेन्‍हासब कनङके देखाइले सक्‍तै?” अहै बातमे ओइसबके आपनमे मतभेद भ्‍यागेलै।

युहन्‍ना 9:16 ပူးပေါင်းရင်းမြစ်များ

मतीके लिखल सुसमाचार 12:10

ओते एकटा सुखलहा हाथबला लोक छेलै। तब फरिसीसब येसुके दोस लगाइके बिचारसे ओकरा पुछल्‍कै, “कि बिसरामके दिनमे बिमार लोकसबके निक करनाइ उचित छै?”

मतीके लिखल सुसमाचार 12:2

यि देखके फरिसीसब येसुके कहल्‍कै, “देखु, अहाँके चेलासब पबितर बिसराम दिनमे जे काम करैले उचित नै छै ओह्‍या काम करैए।”

लुका 13:14

उ जनी पबितर बिसरामके दिनमे निक भेल देखके यहुदी सभाघरके सासक खिस्‍यागेलै। तब उ लोकसबके कहल्‍कै, “काम करैबला हप्‍ताके छ दिन छै! अइ खातिर छ दिनके भितर आइबके निक हो, महज पबितर बिसरामके दिनमे नै।”

युहन्‍ना 10:19

यि बात सुइनके यहुदीसबके बिचमे फेनो मनमोटाब भेलै।

युहन्‍ना 14:11

हम पितामे चियै आ पिता हमरमे छै कैहके बिस्‍बास कर। कम्‍तीमे हमर करल अजगुतके कामसब देखके त बिस्‍बास कर।

युहन्‍ना 15:24

हम तोरासबके बिचमे जे काम करने छेलियौ, उ काम औरो दोसर नै करने छै। यदी उ काम हम नै करने रहतियै त, उसब पापके दोसी नै हेतियै। महज हमर करल अजगुत कामसब देखियोके उसब हमरा आ हमर पिता दुनोगोराके घिरना करैछै।

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

युहन्‍ना 5:10

तैखातिर यहुदी अगुवासब निक भेल लोकके कहल्‍कै, “आइके त बिसरामके दिन चियौ, बेबस्‍था अनुसार तोरा बिछौना नै बोकैके चाही।”

युहन्‍ना 5:36

“महज युहन्‍नाके देल गबाहीयोसे बरका गबाही हमरलग छै। कथिलेत जे काम पुरा करैके लेल पिता हमरा देने छै, उ काम हम करैचियै आ ओह्‍या कामसब हमर बारेमे गबाही दैछै कि, पिते हमरा पठाइने छै।

युहन्‍ना 6:52

यि बातसे यहुदीसबके बिचमे बाद-बिबाद हैले लाग्‍लै। उसब कहेलाग्‍लै, “यि लोक अपनासबके कनङके आपन देह खाइले देबेसक्‍तै?”

युहन्‍ना 7:12

भिरके बिचमे लोकसब ओकर बारेमे गुदुरफुसुर बतियाइले लाग्‍लै। कोइ “उ निक छै” कहैछेलै त कोइ “उ त लोकसबके बहकाबै छै” कहैछेलै।

युहन्‍ना 7:23

यदि मोसाके देल बेबस्‍था भङ नै हेबे कैहके बिसरामके दिनमे खतना करैचिही त हम बिसरामके दिनमे एकटा लोकके निक करलियौ त कथिले तुसब हमरसे खिस्‍याइचिही?

युहन्‍ना 7:43

तैखातिर लोकसबके बिचमे येसुके कारन बेमेल भेलै।

युहन्‍ना 9:24

तब यहुदीसब ओइ अन्‍हर लोकके फेनो दोसर बेर बोल्‍याके कहल्‍कै, “परमेस्‍वरके अगा सत-सत बाज, हमसब जानैचियै कि, यि लोक पापी चियै।”

परेरित 14:4

महज सहरके लोकसब दुइटा गुटमे बाँटल गेलै। कुछ लोक यहुदी दिसन त कुछ लोक परेरितसब दिसन भेलै।