युहन्‍ना 8:6 - मध्‍य पुरविया थारू

⁶ महज उसब येसुके जाचैले आ दोस लगाबैले कोनो गल्‍ती भेटतै कि कैहके एहेन कहने छेलै। महज येसु निहुकके भुइयामे औङरीसे लिखैले लाग्‍लै।

युहन्‍ना 8:6 ပူးပေါင်းရင်းမြစ်များ

मतीके लिखल सुसमाचार 10:16

“देख, हम तोरासबके भेंरा जखा नरहियासबके बिचमे पठाइचियौ, तै खातिर तुसब साँप जखा चलाक आ पौरकी जखा सिधा-साधा रह।

मतीके लिखल सुसमाचार 15:23

महज येसु ओकरा कुछो नै जबाब देल्‍कै, तब ओकर चेलासब आइबके ओकरा बिन्‍ती करल्‍कै, “अकरा बिदाह कैरदिय, कथिलेत उ कानैत-खिजैत अपनासबके पछुवाइने आबैतछै।”

मतीके लिखल सुसमाचार 16:1

कुछ फरिसीसब आ सदुकीसब एलै आ येसुके परमेस्‍वर दिसनसे एलछै कि नै कैहके जाँच करैके लेल पुछल्‍कै, “हमरासबके स्‍वरगसे एकटा चेन्‍हा देखाबु।”

मतीके लिखल सुसमाचार 19:3

तब कुछ फरिसीसब आइबके येसुके ओकरे बातमे फसाइले पुछल्‍कै, “कि कोनो लोक बिना कारन आपन घरबालीके छोरपतर देनाइ उचित छै?”

मतीके लिखल सुसमाचार 22:18

महज येसु ओइसबके दुस्‍ट बिचार थाह पाइबके कहल्‍कै, “ए कपटीसब, छल कैरके हमरा कथिले फसाइले चाहैचिही?

मतीके लिखल सुसमाचार 22:35

ओइसबमेसे एकगोरा धरमगुरु येसुके फसाइके बिचारसे पुछल्‍कै,

मतीके लिखल सुसमाचार 26:63

महज येसु चुपचाप रहलै। तब फेनो परधान पुजारी सबाल करल्‍कै, “तु जिबित परमेस्‍वरके किरिया ख्‍याके कह, कि तु परमेस्‍वरके बेटा खिरिस्‍ट चिही त?”

मरकुस 10:2

तब कुछ फरिसीसब येसुके ओकरे बातमे फसाइले ताकैछेलै आ ओकरा पुछल्‍कै, “कोनो बियाह भेल लोक आपन घरबालीसे छोरपतर करनाइ उचित छै कि नै?”

मरकुस 12:15

तब येसु उसबके कपटी बिचार बुइझके कहल्‍कै, “तुसब कथिले हमरा फसाइले चाहैचिही? हमरा एकटा डलर देखा।”

मरकुस 3:2

कतौ उ बिसरामके दिनमे ओकर सुखलहा हाथ निक करतै कि कैहके ओकरा दोस लगाइबला फरिसीसब नजर पसारने रहै।

मरकुस 8:11

फरिसीसब आइबके येसुसे बहस करे लाग्‍लै। उसब येसुके जाचैले स्‍वरगसे एकटा चेन्‍हा माङल्‍कै।

लुका 10:25

एक दिन एकटा धरमगुरु आइबके येसुके फसाइले उपाय लगाइत कहल्‍कै, “गुरु जी अनन्‍त जिबन पाबैके लेल हमरा कथी करेपरतै?”

लुका 11:16

औरो लोकसब येसुके जाचैके लेल, यि काम परमेस्‍वरके सक्‍तिसे करल चियै से हमरोसबके स्‍वरगसे एकटा आस्‍चरजके चेन्‍हा देखाबु।

युहन्‍ना 8:2

बिहान सबेरे येसु फेनो मन्‍दिरमे घुइमके एलै। सबलोक ओकरलग एलै आ उ बैठके ओकरासबके सिक्‍छा दैले लाग्‍लै।

१ कोरन्‍थी 10:9

अपनासब खिरिस्‍टके परिक्‍छा नै करैके चाही, जनङ ओइसबमेसे कतहेक गोरे करल्‍कै आ साँपसब धैरके मरलै।