युहन्‍ना 8:55 - मध्‍य पुरविया थारू

⁵⁵ तुसब ओकरा चिन्‍हने नै चिही महज हम ओकरा चिन्‍हने चियै। यदी हम ओकरा नै चिन्‍हैचियै कहबै त हम्‍हु तोरासब जखा झुठा ठहरतियै। महज हम ओकरा चिन्‍हैचियै आ ओकर बचन पालन करैचियै।

युहन्‍ना 8:55 ပူးပေါင်းရင်းမြစ်များ

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

लुका 10:22

“हमर पिता हमरा सबचिजके जिमा देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै आ बेटा ओकरा जकरलग परगट करैके इक्‍छा करैछै से औरो कोइ नै जानैछै।”

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 10:15

जहिनङ पिता हमरा चिन्‍हैछै आ हम पिताके चिन्‍हैचियै, तहिनङ हम आपन भेंरासबके चिन्‍हैचियै आ भेंरासब हमरा चिन्‍हैछै। हम भेरासबके लेल आपन परानो दैचियै।

युहन्‍ना 15:10

जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

युहन्‍ना 15:21

हमर नाममे बिस्‍बास करलाके खातिर उसब तोरासबके यि सब सताइबला काम करतौ, कथिलेत उसब हमरा पठाइबला पिताके नै चिन्‍हैछै।

युहन्‍ना 16:3

उसब पिताके आ हमरा नै चिन्‍हैछै, तै कारन उसब एहेन काम करतौ।

युहन्‍ना 17:25

“हे धारमिक पिता, सन्‍सारके लोकसब अहाँके नै जानैछै, महज हम अहाँके जानैचियै आ अहाँ हमरा पठाइनेचियै कैहके यि चेलासब जानैछै।

युहन्‍ना 6:46

परमेस्‍वर पिताके कोइ नै देख्‍ने छै। जे पितासे एलछै, उ मातरे पिताके देख्‍ने छै।

युहन्‍ना 8:19

तब उसब येसुके पुछल्‍कै, “तोहर पिता कते छौ?” येसु ओइसबके जबाफ देल्‍कै, “तुसब नै त हमरा चिन्‍हैचिही आ नै त हमर पिताके। यदी तुसब हमरा चिन्‍हतिही त हमर पितोके चिन्‍हने रहतिही।”

युहन्‍ना 8:29

जे हमरा पठाइने छै उ हमरे सङे छै। उ हमरा असगरे नै छोरने छै, कथिलेत हम हरदम ओकरा खुसि बनाइबला काम करैचियै।”

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

युहन्‍ना 8:51

साँचोके हम तोरासबके कहैचियौ, यदी जे कोइ हमर कहल बचनके पालन करतै त उ कहियो नै मरतै।”

युहन्‍ना 8:52

तखन यहुदी अगुवासब ओकरा कहल्‍कै, “आब त साँचेके हमसब जाइन गेलियै कि, तोरा भुत लागल छौ। अबराहम मरलै आ अगमबक्‍तासब सेहो मरलै, महज तु कहैचिही कि ‘यदी कोनो लोक हमर बचनके पालन करतै त उ कहियो नै मरतै।’

परेरित 17:23

कथिलेत यि सहरमे घुमफिर करैत अहाँसबके पुजो करैबला ठामसब देखलियै। हम अहिनो एकटा बेदी देखलियै जैमे, ‘अनजान भगबान खातिर’ खोइधके लिखल देखलियै। अहैले अहाँसब अकरा अनजानमे पुजा करैचियै, ओह्‍या परमेस्‍वरके हम अखुन अहाँसबके बिचमे सुनाइ चियै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

१ युहन्‍ना 1:6

यदि अपनासब कहैचियै कि हमसब परमेस्‍वरसङे संगती करैचियै तैयो अन्‍हारेमे चलैचियै त, अपनासब झुठ बोलैचियै आ सत्‍यतामे नै चलैचियै।

१ युहन्‍ना 2:22

तब झुठ के चियै त? झुठ वह्‍या चियै जे येसुवे खिरिस्‍ट चियै कहैले इन्‍कार करैछै। पिता आ बेटाके जे कोइ इन्‍कार करैछै वह्‍या खिरिस्‍ट बिरोधी चियै।

१ युहन्‍ना 2:4

जे कोइ “हम ओकरा चिन्‍हैचियै” कहैछै, महज ओकर आग्‍या नै मानैछै त उ झुठा चियै आ ओकरमे सत्‍यता नै रहैछै।

१ युहन्‍ना 5:10

जे कोइ परमेस्‍वरके बेटामे बिस्‍बास करैछै, ओकर हिरदयमे अइ बातके साक्‍छी रहैछै। परमेस्‍वरके बिस्‍बास नै करैबला ओकरा झुठा ठहराइछै, कथिलेकी परमेस्‍वर आपन बेटाके बारेमे देल साक्‍छीके उ बिस्‍बास नै करैछै।

परकास 3:9

देख, हमसब यहुदी चियै कैहके झुठा बोलैबला अतेछै। उसब सैतानके गुटके चियै। ओकरासबके हम तोहर गोर लागैले लगाइबै आ हम तोरा परेम करैचियौ कैहके उसब थाह पाबतै।