युहन्‍ना 8:48 - मध्‍य पुरविया थारू

⁴⁸ यि बातसब सुइनके यहुदी अगुवासब येसुके कहल्‍कै, “तु सामरी चिही आ तोरा भुत लागल छौ। कि हमसब ठिके कहैचियौ नै?”

युहन्‍ना 8:48 ပူးပေါင်းရင်းမြစ်များ

मतीके लिखल सुसमाचार 10:25

तै खातिर चेला आपन गुरु जखा आ नोकर आपन मालिक जखा भेनाइ बहुत चियै। यदी उसब घरेके मालिकके बालजिबुल कहैछै त ओकर खानदानके औरो कि-कि नै कहतै!

मतीके लिखल सुसमाचार 10:5

तब येसु आपन बारहो चेलासबके एहेन कैहके पठाइल्‍कै, “तुसब गैर-यहुदीसबके बिचमे आ सामरीसबके सहरमे नै जो।

मतीके लिखल सुसमाचार 11:18

“कथिलेत युहन्‍ना लोकसब जखा खाइत पियैत नै एलै, तैयो तुसब ओकरा भुत लागल छै कैहके कहैचिही।

मतीके लिखल सुसमाचार 12:24

महज यि सुइनके फरिसीसब कहल्‍कै, “यि लोक त भुतसबके रजा बालजिबुलके सक्‍तिसे भुतसब निकालैछै।”

मतीके लिखल सुसमाचार 12:31

तै खातिर हम तोरासबके कहैचियौ, लोकसबके सब पाप आ निन्‍दा छमा हेतौ, महज पबितर आत्‍माके बिरोधमे करल निन्‍दा कोनोभी हालतमे छमा नै हेतौ।

मतीके लिखल सुसमाचार 15:7

हे कपटीसब! यसैया अगमबक्‍ताके कहल बातसब तोरासबमे जहिनाके तहिना मिलैछौ-

युहन्‍ना 1:19

जखन यहुदी अगुवासब यरुसलेमसे पुजारी आ लेबीके युहन्‍ना लग “तु के चिही?” कैहके पुछैले पठेल्‍कै।

युहन्‍ना 10:20

ओइसबमेसे बहुतो गोरा कहेलाग्‍लै, “अकरा त भुत लागल छै आ बताह भेलछै। तुसब कथिले अकर बात सुनैचिही?”

युहन्‍ना 13:13

तुसब त हमरा ‘गुरु’ आ ‘परभु’ कहैचिही। यि त तुसब ठिके कहैचिही, कथिलेत हम ओह्‍या चियौ।

युहन्‍ना 4:9

तब सामरी जनी कहल्‍कै, “अहाँ यहुदी भ्‍याके कनङके हम सामरी जनिसे पानी पियैले माङैचियै?” (कथिलेत यहुदीसब सामरीसबसङे कोनो समबन्‍ध नै राखैतरहै।)

युहन्‍ना 7:20

तब भिरके लोकसब कहल्‍कै, “तोरा त भुत लागल छौ। तोरा के मारैले मौका ताकैछौ?”

युहन्‍ना 8:22

यि बात सुइनके यहुदी अगुवासब एक-दोसरमे कहेलाग्‍लै, “कतौ यि आपने मरे ज्‍यारहल छै कि? अकर कहैके मतलब कथी चियै, ‘जते हम जेबौ, तते तुसब आबे नै सकबिही।’”

युहन्‍ना 8:52

तखन यहुदी अगुवासब ओकरा कहल्‍कै, “आब त साँचेके हमसब जाइन गेलियै कि, तोरा भुत लागल छौ। अबराहम मरलै आ अगमबक्‍तासब सेहो मरलै, महज तु कहैचिही कि ‘यदी कोनो लोक हमर बचनके पालन करतै त उ कहियो नै मरतै।’

रोमी 15:3

कथिलेत खिरिस्‍ट सेहो अपना खुस करैबला काम नै करल्‍कै। जनङ पबितर धरमसास्‍तरमे लिखल छै, “अहाँके निन्‍दा करैबलासबके निन्‍दा हमरमे परलछै।”

हिबरु 13:13

ओहैलेल अपनोसब सहरसे बाहर येसु लग चल आ ओकरे जखा अपनोसब अपमान सह।

याकुब 2:19

परमेस्‍वर एकेटा छै कैहके तु बिस्‍बास करैचिही। बहौत निक! महज एहेन बिस्‍बास त भुतोसब करैछै आ डरसे थरथर कापैछै।