युहन्‍ना 8:46 - मध्‍य पुरविया थारू

⁴⁶ तोरासबमेसे कोइ परमानित करेसकैचिही कि हम पापके दोसी चियै? जब हम सत बाइजरहलचियै त कथिले हमरा बिस्‍बास नै करैचिही?

युहन्‍ना 8:46 ပူးပေါင်းရင်းမြစ်များ

मतीके लिखल सुसमाचार 21:25

युहन्‍नाके बप्‍तिस्‍मा दैके अधिकार परमेस्‍वरसे पाबने छेलै, कि मानबसे?” तब उसब आपनेमे छलफल करे लाग्‍लै, “अदी ‘स्‍वरगसे’ कहबै त ‘तुसब ओकर उपर कथिले बिस्‍बास नै करलिही’ कैहके कहतै।

मरकुस 11:31

तब उसब आपनमे छलफल करे लाग्‍लै, “यदी ‘स्‍वरगसे’ कहबै त ‘तुसब ओकर उपर कथिले नै बिस्‍बास करलिही’ कैहके उ कहतै।

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

युहन्‍ना 15:10

जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

युहन्‍ना 16:8

जब उ एतौ त सन्‍सारके लोकसबके पाप, धारमिकता आ परमेस्‍वरके नियाइके बिसयमे कैरते आइबरहल भुलसब देखाइतौ,

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

युहन्‍ना 8:47

जे परमेस्‍वरसङे समबन्‍ध राखैछै, उ परमेस्‍वरके बचन सुनैछै। तुसब परमेस्‍वरसङे समबन्‍ध नै राखैचिही, ओहैसे तुसब ओकर बचन नै सुनैचिही।”

युहन्‍ना 8:7

जब उसब ओकरा पुछतेके-पुछते रहलासे, उ ठार भ्‍याके ओकरासबके कहल्‍कै, “तोरासबमेसे जे कहियो पाप नै करनेचिही, से कोइ पहिने अइ जनिके पथलसे मार।”

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

हिबरु 4:15

कथिलेत अपनासबके परधान पुजारी अपनासबके दुरबलतामे साथ नै दैबला पुजारी नै चियै। उ अपनेसब जखा सब बातमे परिक्‍छामे परलै महज तैयो पाप नै करल्‍कै।

हिबरु 7:26

अपनासबके लेल अहिनङे परधान पुजारीके आबसेक्‍ता छै। जे पबितर, निरदोस, सुधछै। परमेस्‍वर ओकरा पापी लोकसबसे छुटियाके सबसे उपर स्‍वरगमे राखल्‍कै।

१ पतरुस 2:22

उ नै त कोनो पाप करल्‍कै आ नै त ओकर मुहसे छलकपटके बात निकल्‍लै।