युहन्‍ना 8:44 - मध्‍य पुरविया थारू

⁴⁴ तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

युहन्‍ना 8:44 ပူးပေါင်းရင်းမြစ်များ

मतीके लिखल सुसमाचार 12:34

ए बिखधर साँपके बच्‍चासब! तुसब आपने दुस्‍ट चिही त, कनङके असल बात बोले सकबिही? कथिलेत मनके भितरमे जे बात रहैछै स्‍याहा बात मुहसे निकलैछै।

मतीके लिखल सुसमाचार 13:15

‘कथिलेत यि लोकसबके मन कठोर भ्‍यागेलछै आ ओइ लोकसबके कान बैहर भ्‍यागेल्‍छै, उसब आपन आँख मुइन लेने छै, नै त उसब आँखसे देखतियै, कानसे सुनतियै आ मनसे बुझतियै आ घुइमके हमरलग एतियै आ हम ओइसबके निक करतियै।’

मतीके लिखल सुसमाचार 13:38

खेत सन्‍सार चियै। असल बिचहन परमेस्‍वरके राजके लोकसब चियै आ झर सैतानके लोकसब चियै।

युहन्‍ना 6:70

येसु ओकरासबके कहल्‍कै, “कि हम तोरा बारहो गोराके नै छान्‍ने चियौ से? महज तैयो तोरासबमेसे एक गोराके सैतान चलाइनेछौ।”

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

युहन्‍ना 8:38

हम आपन पितासङे रहैबखत जे कुछो देखने चियै ओह्‍या बात बाजैचियै आ तुसब आपन पितासे जे सुन्‍ने चिही ओह्‍या करैचिही।”

युहन्‍ना 8:41

तुसब ओह्‍या करैचिही जे तोहर पिता करल्‍कौ।” उसब येसुके कहल्‍कै, “हमसब बेबिचारमे जलमल नै चियै। हमरासबके त एकेटा पिता छै, उ परमेस्‍वर चियै।”

युहन्‍ना 8:55

तुसब ओकरा चिन्‍हने नै चिही महज हम ओकरा चिन्‍हने चियै। यदी हम ओकरा नै चिन्‍हैचियै कहबै त हम्‍हु तोरासब जखा झुठा ठहरतियै। महज हम ओकरा चिन्‍हैचियै आ ओकर बचन पालन करैचियै।

परेरित 13:10

“ऐ सैतानके बच्‍चा, सब सतकरमके दुस्‍मन, तु सबकिसीमके छलकपट आ बैमानीसे भरल चिही! कि तु सोझ बाटके टेढ करैले नै छोरबिही?

परेरित 24:9

तब औरो यहुदीसब यि बात ठिक छै कैहके सहमति जनाइल्‍कै।

परेरित 5:3

तब पतरुस कहल्‍कै, “ऐ हननिया, पबितर आत्‍मा सङे कथिले झुठ बोलैचिही, जमिन बेचलहा कन्‍हिक हिस्‍सा आपनसङे राखबै से बात सैतान कनङके तोहर मनमे भोइर देल्‍कौ?

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

२ पतरुस 2:4

परमेस्‍वर त पाप करैबला स्‍वरगदुतोसबके बाकी नै राखल्‍कै, महज उसबके नरकके खाइधमे फेक देल्‍कै। ओइसबके नियाइके दिनतक पतालके अन्‍धकारमे बाइन्‍हके राखनेछै।

१ युहन्‍ना 1:8

यदि अपनासब कहैचियै कि हमरमे पाप नै छै तब अपनासब अपने-आपके धोखा दैचियै आ अपनासबमे सत नै रहैछै।

१ युहन्‍ना 2:21

तुसब सतके नै चिन्‍हैचिही कैहके हम नै लिख्‍नेचियौ, महज तुसब सतके चिन्‍हैचिही आ सतसे झुठ नै आबैछै से बात तुसब जाइन्‍ते चिही कैहके हम यि लिखने चियौ।

१ युहन्‍ना 2:4

जे कोइ “हम ओकरा चिन्‍हैचियै” कहैछै, महज ओकर आग्‍या नै मानैछै त उ झुठा चियै आ ओकरमे सत्‍यता नै रहैछै।

१ युहन्‍ना 3:12

अपनासब कयिन जखा नै हेबेपरतै। उ सैतानके लोक भेलाके कारन आपन भाइ हाबिलके मारल्‍कै। उ कथिले आपने भाइके मारल्‍कै? कथिलेत ओकर कामसब दुस्‍ट छेलै। महज ओकर भाइके काम धरमी छेलै।

१ युहन्‍ना 3:15

जे लोक आपन भाइके घिरना करैछै उ जानमारा चियै आ तुसब जानैचिही कि जानमारा लोकमे अनन्‍त जिबन नै रहैछै।

यहुदा 1:6

तोरासबके याद करैबला बात यि चियौ कि, आपन अधिकारमे नै रहैबला आ आपन रहैयोबला ठाम छोरैबला स्‍वरगदुतसबके समेत परमेस्‍वर सबदिनके लेल बाइन्‍हके राखनेछै। उ नियायके बरका दिनमे सजाय दैकेलेल ओइसबके पतालके अन्‍हारमे बाइन्‍हके राखनेछै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

परकास 9:11

नरकके दुत ओइसबके रजा छेलै। हिबरु भसामे ओकर नाम “एबाड्‍डोन” आ गिरीक भसामे ओकर नाम “अपोल्‍लियोन” चियै। जकर अरथ “नास करैबला” चियै।