युहन्‍ना 8:38 - मध्‍य पुरविया थारू

³⁸ हम आपन पितासङे रहैबखत जे कुछो देखने चियै ओह्‍या बात बाजैचियै आ तुसब आपन पितासे जे सुन्‍ने चिही ओह्‍या करैचिही।”

युहन्‍ना 8:38 ပူးပေါင်းရင်းမြစ်များ

मतीके लिखल सुसमाचार 3:7

महज फरिसीसब आ सदुकीसब मेसे बहौत गोराके बप्‍तिस्‍मा लैले आबैत देखके उ ओकरासबके कहल्‍कै, “ऐ, साँपके बच्‍चासब, परमेस्‍वरके आबैबला करोधसे भागैले तोरासबके के सिखाइल्‍कौ?

युहन्‍ना 14:10

‘हम पितामे चियै आ पिता हमरमे छै’ से कि तु बिस्‍बास नै करैचिही? जे बात हम तोरासबके कहैचियौ, से बात हम आपने मनसे नै कहैचियौ। महज हमरमे रहैबला पिता यि कामसब करैछै।

युहन्‍ना 14:24

जे हमरा परेम नै करैछै, उ हमर बचनके पालन नै करैछै। जे बचन तुसब सुनैचिही, उ बचन हमर नै, महज हमरा पठाइबला पिताके चियै।

युहन्‍ना 17:8

कथिलेत अहाँके देल सिक्‍छा हम ओइसबके देनेचियै आ उसब उ सुइकार करने छै। हम अहाँसे एलचियै कैहके उसब साँचोके बुझनेछै। तब हमरा अहै पठेलियै कैहके उसब बिस्‍बास करने छै।

युहन्‍ना 3:32

उ जे बात देखनेछै आ सुन्‍नेछै, उ तहै बातके गबाही दैछै, महज ओकर गबाही कोइ नै सुइकार करैछै।

युहन्‍ना 5:19

तब येसु ओइसबके जबाफ देल्‍कै, “साँचोके हम तोरासबके कहैचियौ, बेटा स्‍वयम आपनेसे कुछो करे नै सकैछै, महज पिताके जे करैत देखैछै, उ ओह्‍या मातरे करे सकैछै, कथिलेत पिता जे-जे करैछै, बेटो ओह्‍या-ओह्‍या करैछै।

युहन्‍ना 5:30

“हम आपनेसे कुछो करे नै सकैचियै। हम पितासे जे सुनैचियै, ओह्‍या अनुसार हम नियाइ करैचियै आ हमर नियाइ ठिक छै, कथिलेत हम आपन इक्‍छा नै महज हमरा पठाइबलाके इक्‍छा अनुसार करैचियै।

युहन्‍ना 8:26

तोरासबके बारेमे कहैबला आ नियाइ करैबला बहौत बातसब हमरसङे छै। महज हमरा पठाइबला सत छै आ हम जे ओकरसे सुन्‍ने चियै ओहे बात सन्‍सारके लोकसबके बताइचियै।

युहन्‍ना 8:41

तुसब ओह्‍या करैचिही जे तोहर पिता करल्‍कौ।” उसब येसुके कहल्‍कै, “हमसब बेबिचारमे जलमल नै चियै। हमरासबके त एकेटा पिता छै, उ परमेस्‍वर चियै।”

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।