युहन्‍ना 8:12 - मध्‍य पुरविया थारू

¹² तब येसु फेनो लोकसबके कहल्‍कै, “सन्‍सारके इजोत हम्‍ही चियौ। हमर पछा चलैबला अन्‍हारमे कहियो नै चल्‍तै, महज उ जिबनके इजोत पाबतै।”

युहन्‍ना 8:12 ပူးပေါင်းရင်းမြစ်များ

मतीके लिखल सुसमाचार 5:14

“तुसब सन्‍सारके इजोत चिही। पहारमे रहल सहर घोसरैले नै सकैछै।

लुका 2:32

औरो जात जातीसबके रस्‍ता देखाइले इजोत देने चियै आ अहाँ इजराएलके सब लोकसबके लेल महिमाके इजोत चियै।”

युहन्‍ना 12:35

तब येसु ओइसबके कहल्‍कै, “औरो कुछ समयतलिक इजोत तोरासबसङे छौ। इजोत रैहते तुसब चलफिर कर, नै त अन्‍हार तोरासबके झाइपदेतौ। जे अन्‍हारमे चलैछै, उ कते ज्‍यारहल छै से उ नै जानैछै।

युहन्‍ना 12:36

जाबेतक इजोत तोरासबसङे छौ, इजोतमे बिस्‍बास कर तब तुसब इजोतके बेटा-बेटी हेब्‍ही।” यि बात कहलाकेबाद येसु ओतेसे चैलगेलै आ ओइसबसे घोसैरके रहेलाग्‍लै।

युहन्‍ना 12:46

हम सन्‍सारके इजोत बैनके एलचियै, तैल्‍याके हमरा बिस्‍बास करैबला कोइने अन्‍हारमे रहतै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 3:19

इजोत सन्‍सारमे एलछै आ लोकसब इजोतके बदला अन्‍हारके परेम करल्‍कै। कथिलेत ओइसबके काम दुस्‍ट छेलै। अहै कारन उसब दोसी ठहरतै।

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

युहन्‍ना 9:5

जाबेतक हम सन्‍सारमे चियौ, ताबेतक हम सन्‍सारके इजोत चियौ।”

परेरित 13:47

कथिलेत परभु हमरौरके अहिनङे आग्‍या करने छै- ‘पिरथिबीके अन्‍तके सिमा तक लोकसब हमर मुक्‍ती पाबै कैहके, अहै कामके खातिर गैर-यहुदीके बिचमे इजोत हैले नियुक्‍त करनेचियौ।’”

परेरित 26:23

खिरिस्‍टके दुख भोगैये परतै आ उ मरलहासबमेसे जिबित भ्‍याके उठैबला पहिन्‍का भ्‍याके उ यहुदी आ गैर-यहुदीके इजोतके सन्‍देस सुनेतै।”

२ पतरुस 2:17

एहैन लोकसब त पानी बिनाके भवसब जखा चियै आ हबा बिहाइरसे उरैबला गरदा जखा चियै। एहैन लोकसबके लेल परमेस्‍वर पतालके अन्‍धकार जतनके राखनेछै।

२ पतरुस 2:4

परमेस्‍वर त पाप करैबला स्‍वरगदुतोसबके बाकी नै राखल्‍कै, महज उसबके नरकके खाइधमे फेक देल्‍कै। ओइसबके नियाइके दिनतक पतालके अन्‍धकारमे बाइन्‍हके राखनेछै।

१ युहन्‍ना 1:6

यदि अपनासब कहैचियै कि हमसब परमेस्‍वरसङे संगती करैचियै तैयो अन्‍हारेमे चलैचियै त, अपनासब झुठ बोलैचियै आ सत्‍यतामे नै चलैचियै।

यहुदा 1:13

उसब समुन्‍दरके बरका झोह जखा चियै आ आपन घिन्‍याल बात समुन्‍दरके गेजुवा जखा देखाइछै। उसब अने-ओने घुमैबला तरासब जखाछै, जकरासबके लेल सबदिनके खातिर पतालके अन्‍धकार राखलछै।

यहुदा 1:6

तोरासबके याद करैबला बात यि चियौ कि, आपन अधिकारमे नै रहैबला आ आपन रहैयोबला ठाम छोरैबला स्‍वरगदुतसबके समेत परमेस्‍वर सबदिनके लेल बाइन्‍हके राखनेछै। उ नियायके बरका दिनमे सजाय दैकेलेल ओइसबके पतालके अन्‍हारमे बाइन्‍हके राखनेछै।

परकास 21:24

सन्‍सारके सबलोक ओकर इजोतमे चल्‍तै आ पिरथिबीके रजासब आपन महिमा ओते आन्‍तै।