युहन्‍ना 7:35 - मध्‍य पुरविया थारू

³⁵ ओकर एहेन बात सुइनके यहुदीसब आपसमे कहल्‍कै, “यि लोक कते जाइले लागलछै जे हमसब ओकरा नै भेटाइबै? कि उ गिरिक देसमे तितर-बितर भेल यहुदीसब लग जेतै आ गिरिकियोसबके सिक्‍छा देतै?

युहन्‍ना 7:35 ပူးပေါင်းရင်းမြစ်များ

मतीके लिखल सुसमाचार 12:21

आ सब जातीके लोकसब ओकरे नाममे आसा राख्‍तै।”

लुका 2:32

औरो जात जातीसबके रस्‍ता देखाइले इजोत देने चियै आ अहाँ इजराएलके सब लोकसबके लेल महिमाके इजोत चियै।”

युहन्‍ना 12:20

निस्‍तार पाबैनमे यरुसलेममे आराधना करैले गेलसबमेसे कतहेक लोक गिरिक जातीके लोकसब छेलै।

युहन्‍ना 7:1

तकरबाद येसु गालिल परदेसमे घुमफिर करल्‍कै। उ यहुदिया इलाका दिसन जाइले नै चाहल्‍कै, कथिलेत यहुदीसब ओकरा जानसे मारैले मौका ताकैछेलै।

युहन्‍ना 8:22

यि बात सुइनके यहुदी अगुवासब एक-दोसरमे कहेलाग्‍लै, “कतौ यि आपने मरे ज्‍यारहल छै कि? अकर कहैके मतलब कथी चियै, ‘जते हम जेबौ, तते तुसब आबे नै सकबिही।’”

परेरित 11:18

यि बात सुइनके परभुमे बिस्‍बास करैबला यहुदीसब पतरुसके दोस लगाइले छोइरदेल्‍कै आ परमेस्‍वरके परसन्‍सा करल्‍कै, “आब त परमेस्‍वर आनो जातीसबके पापसे पस्‍चाताप कैरके अनन्‍त जिबन पाबैके अबसर देने छै।”

परेरित 11:20

ओइसबमेसे कोइ-कोइ साइपरस आ कुरेनीके लोकसब रहै। उसब एन्‍टिओखियामे आइबके औरो जातीके लोकसबके परभु येसुके सुसमाचार परचार करल्‍कै।

परेरित 14:1

एन्‍टिओखिया सहरमे भेल घटना जखा आइकोनियन सहरमे सेहो भेलै। पावल आ बरनाबास यहुदीसबके सभाघरमे ढुइकके एहेन उपदेस देल्‍कै, कि ओतेका बहुतो यहुदी आ गिरिक लोकसब परभु येसु खिरिस्‍टमे बिस्‍बास करल्‍कै।

परेरित 17:4

ओइसबमेसे कतहेक यहुदीसब बिस्‍बास कैरके पावल आ सिलासके पछा लाग्‍लै। अहिनङे परमेस्‍वरके सेबा करैबला गिरिकसब आ नाम चलल जनी ओहोसब बिस्‍बास करल्‍कै।

परेरित 18:4

सब बिसराम दिनके पावल सभाघरमे ज्‍याके यहुदी आ गिरिक लोकसबसे बात-चित करै आ उसब सेहो परभु येसुके सुइकार करे कैहके ओकरासबके मनाइले चाहैत रहै।

परेरित 21:21

उसब अहाँके बारेमे सुन्‍नेछै जे, गैर-यहुदीके बिचमे रहैबला यहुदीसबके अहाँ ‘मोसाके धरम नियमके आ ओकरासबके बाल-बच्‍चासबके खतना नै करैके आ रितिरिबाज पालन नै करैले’ कैहके सिखाइचियै।

परेरित 22:21

महज परभु हमरा कहल्‍कै, ‘तु जो, कथिलेत हम तोरा दुर-दुर गैर-यहुदीसबके बिचमे पठाइबौ।’”

रोमी 1:16

हमरा यि सुसमाचार सुनाइले लाज नै लागैछै, कथिलेकी बिस्‍बास करैबला सबलोकके मुक्‍ती दैकेलेल यि सुसमाचार परमेस्‍वरके सक्‍ती चियै, जे पहिने यहुदीसबके लेल आ बादमे गैर-यहुदीयोसबके लेल चियै।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

१ तिमोथी 2:7

अहै बातके परचार करैके लेल परमेस्‍वर हमरा एकटा परचारक आ परेरित हैकेलेल चुनल्‍कै। गैर-यहुदीसब येसुमे बिस्‍बास करे तै उदेस्‍यसे ओइसबके सत बात सिखाइके लेल उ हमरा पठेल्‍कै। हम एकोरती बरह्‍या-चरह्‍याके नै कहैचियौ, हम त सत बात कहैचियौ।

२ तिमोथी 1:11

एह्‍या सुसमाचार सुनाइके खातिर हम परचारक, परेरित आ गुरु नियुक्‍त भेलचियै।

याकुब 1:1

हम याकुब, परमेस्‍वर आ परभु येसु खिरिस्‍टके सेवक यि चिठी चारुदिसन तितर-बितर भेल्‍हा यहुदी खिरिस्‍टीयनसबके लिखैचियौ। तोरासबके हमर गोरलगीछौ।

१ पतरुस 1:1

हम सिमोन पतरुस, येसु खिरिस्‍टके परेरितके तरफसे पोन्‍टस, गलातिया, कापाडोकिया, एसिया आ बिथिनिया परदेस भैर परदेसी भ्‍याके तितर-बितर भ्‍याके रहैबला परमेस्‍वरके छानल जनसबके यि चिठी लिखैचियै।