युहन्‍ना 7:14 - मध्‍य पुरविया थारू

¹⁴ जब पाबैनके अधा दिन बित्‍लै तब येसु मन्‍दिरमे ज्‍याके सिक्‍छा देबे लाग्‍लै।

युहन्‍ना 7:14 ပူးပေါင်းရင်းမြစ်များ

मतीके लिखल सुसमाचार 21:12

तब येसु मन्‍दिरमे गेलै आ किनबेच करैबलासबके ओतेसे बाहर निकाइलदेल्‍कै। उ पैसा भजाइबलाके टेबुलसब आ पेरबा बेचैबलासबके बैठैबला पिढियासब उल्‍टा-पुल्‍टा देल्‍कै।

मतीके लिखल सुसमाचार 26:55

तकरबाद येसुके पकरैले ऐल भिरके लोकसबके कहल्‍कै, “कि हम डाकु चियै से सोइचके तुसब हमरा पकरैले तलबार आ लाठी ल्‍याके एलचिही? दिनदिने त हम मन्‍दिरमे सिक्‍छा दैत तोरेसबसङे छेलियौ तखुन हमरा नै पकरलिही।

लुका 19:47

येसु सबदिन मन्‍दिरमे सिक्‍छा दैछेलै, महज ओतेका परमुख पुजारीसब, धरमगुरुसब आ सासकसब मिलके ओकरा मारैले चाहैछेलै।

युहन्‍ना 18:20

तब येसु ओकरा जबाफ देल्‍कै, “हम त सबकोइ सुने कैहके खुलमखुला कहनेचियौ। हम हरदम सभाघरसब आ मन्‍दिरमे आपन सिक्‍छा देलियै, जते यहुदीसब जमा हैछै। हम आपन सिक्‍छा गुप्‍तमे नै देने चियै।

युहन्‍ना 5:14

कुछ देरके बाद येसु उ लोकके मन्‍दिरमे भेटके कहल्‍कै, “देख, तु निक करल गेलचिही। आबसे फेनो पाप नै कर, नै त तोहर उपर औरो खराब अबस्‍था आइबजेतौ।”

युहन्‍ना 7:2

ओइ बखत यहुदीसबके पालके पाबैन लगचियाल छेलै।

युहन्‍ना 7:28

येसु मन्‍दिरमे सिखाइबखत, जोरसे कहल्‍कै, “तुसब हमरा चिन्‍हैचिही आ हम कतेसे एलचियौ सेहो तुसब जानैचिही। महज हम आपने मनसे नै एलचियौ। जे हमरा पठाइनेछै, उ सत छै आ ओकरा तोरासब नै चिन्‍हैचिही।

युहन्‍ना 7:37

पाबैनके अन्‍तिम दिन अरथात मुल दिनमे येसु ठार भ्‍याके जोरसे कहल्‍कै, “तोरासबमेसे यदि कोइ पियासल चिही त उ हमरलग आबे आ पिबे।

युहन्‍ना 8:2

बिहान सबेरे येसु फेनो मन्‍दिरमे घुइमके एलै। सबलोक ओकरलग एलै आ उ बैठके ओकरासबके सिक्‍छा दैले लाग्‍लै।

युहन्‍ना 8:20

येसु यि बात मन्‍दिरमे भेटी चरहाबैबला बाकसके लगमे सिक्‍छा दैतकाल कहने छेलै। तैयो ओकरा कोइने पकरल्‍कै, कथिलेकी ओकर समय नै एलछेलै।