युहन्‍ना 7:12 - मध्‍य पुरविया थारू

¹² भिरके बिचमे लोकसब ओकर बारेमे गुदुरफुसुर बतियाइले लाग्‍लै। कोइ “उ निक छै” कहैछेलै त कोइ “उ त लोकसबके बहकाबै छै” कहैछेलै।

युहन्‍ना 7:12 ပူးပေါင်းရင်းမြစ်များ

मतीके लिखल सुसमाचार 10:25

तै खातिर चेला आपन गुरु जखा आ नोकर आपन मालिक जखा भेनाइ बहुत चियै। यदी उसब घरेके मालिकके बालजिबुल कहैछै त ओकर खानदानके औरो कि-कि नै कहतै!

मतीके लिखल सुसमाचार 21:46

तैखातिर उसब ओकरा पकरैले चाहल्‍कै, महज उसब लोकसबसे डराबै छेलै। कथिलेत लोकसब ओकरा एक अगमबक्‍ता चियै कैहके ठानैछेलै।

मतीके लिखल सुसमाचार 27:63

“हौ सरकार! हमरासबके याद छै जे उ ठक आदमी जिबित भ्‍याल बखत ‘हम तिन दिनके बाद फेनो जिबित भ्‍याके उठबै’ कहने छेलै।

लुका 18:19

येसु ओकरा कहल्‍कै, “तु हमरा कथिले असल गुरु कहैचिही? परमेस्‍वरके अलाबा कोइ नै असल छै।

लुका 23:47

यि सब घटनासब देखके सैनिकसबके कप्‍तान एहेन कैहके परमेस्‍वरके महिमा करल्‍कै, “साँचोके यि लोक धरमी रहै।”

लुका 23:50

योसेफ नामके एक गोरा महासभाके सदस छेलै, उ असल आ इमान्‍दार लोक रहै।

लुका 6:45

असल लोक आपन मनके भितरसे असल बात निकालैछै। खराब लोक आपन मनके भितरसे खराबे बात निकालैछै। कथिलेत जे बात मनके भितरमे रहैछै ओहिना बात बोलैछै।”

लुका 7:16

तब सबकोइ डेरागेलै आ परमेस्‍वरके परसन्‍सा करैत कहल्‍कै, “अपनासबके बिचमे एकटा बहुत बरका अगमबक्‍ता एलछै। परमेस्‍वर आपन लोकसबके बचाइले एलछै।”

युहन्‍ना 6:14

तब उ लोकसब येसुके करल अजगुतके काम देखके कहेलाग्‍लै, “अपनासबके आस करल सन्‍सारमे आबैबला अगमबक्‍ता साँचोके एह्‍या चियै।”

युहन्‍ना 7:32

जब फरिसीसब भिरमे येसुके बारेमे गुदुरफुसुर करैत सुनल्‍कै, तब मुल पुजारीसब आ फरिसीसब ओकरा पकरैले मन्‍दिरके पहरेदारसबके पठेल्‍कै।

युहन्‍ना 7:47

तब फरिसीसब उसबके कहल्‍कै, “तुहुसब धोखामे परलिही कि कनङ?

युहन्‍ना 7:52

तब उसब ओकरा जबाफ देल्‍कै, “कि तुहु गालिली चिही? पबितर धरमसास्‍तरमे खोज आ तोरा थाह हेतौ कि, गालिलसे कोनो अगमबक्‍ता नै एतै।”

युहन्‍ना 9:16

कोनो-कोनो फरिसीसब कहल्‍कै, “यि लोक परमेस्‍वर दिसनसे नै एलछै, कथिलेत उ पबितर बिसराम दिनके पालन नै करैछै।” महज दोसर लोकसब कहेलाग्‍लै, “जे पापी हेतै, उ एहेन अचमके चेन्‍हासब कनङके देखाइले सक्‍तै?” अहै बातमे ओइसबके आपनमे मतभेद भ्‍यागेलै।

परेरित 11:24

कथिलेत उ असल, पबितर आत्‍मा आ परमेस्‍वरके बिस्‍बासमे भरपुर भेल लोक रहै। तब बहौत लोकसब अकरे कामसे उत्‍साहित भ्‍याके बहौत लोकसब परभु येसुके बिस्‍बास करल्‍कै।

रोमी 5:7

धरमी लोकके लेल मरैले चाहैबला लोक पाबैले कठिनछै। असल लोकके लेल कोइ-कोइ मरैले साहस करियोसकैछै।

फिलिप्‍पी 2:14

गनगन आ बाद-बिबाद नै कैरके सबकाम कैरते जो।