युहन्‍ना 7:1 - मध्‍य पुरविया थारू

¹ तकरबाद येसु गालिल परदेसमे घुमफिर करल्‍कै। उ यहुदिया इलाका दिसन जाइले नै चाहल्‍कै, कथिलेत यहुदीसब ओकरा जानसे मारैले मौका ताकैछेलै।

युहन्‍ना 7:1 ပူးပေါင်းရင်းမြစ်များ

मतीके लिखल सुसमाचार 10:23

जब लोकसब तोरासबके एक गाममे सताइतौ तब दोसर गाममे भाइगके जो। साँचोके हम तोरासबके कहैचियौ, मानबके बेटा आबैसे पहिने तुसब इजराएलके सब गाम कोनोभी हालतमे आपन काज पुरा नै करने रहबिही।

मतीके लिखल सुसमाचार 21:38

महज बटिदारसब ओकरा देखैत मातर आपसमे बात करे लाग्‍लै, ‘यि त हकबला चियौ। चल, अपनासब अकरा माइरदहै तब ओकर सब धन-सम्‍पती अपनासबके भ्‍याजेतौ।’

मरकुस 11:18

तब मुल पुजारीसब आ धरमगुरुसब यि बात सुइनके येसुके कनङके मारल जेतै तकर उपाय सोचे लाग्‍लै। महज उसब ओकरसे डराबैछेलै, कथिलेत लोकसबके पुरा भिर ओकर सिक्‍छा सुइनके अच्‍चम मान्‍ने रहै।

युहन्‍ना 1:19

जखन यहुदी अगुवासब यरुसलेमसे पुजारी आ लेबीके युहन्‍ना लग “तु के चिही?” कैहके पुछैले पठेल्‍कै।

युहन्‍ना 4:3

फरिसीसब एहेन बात सुन्‍नेछै से बात जाइनके येसु यहुदिया परदेस छोइरके फेनो गालिल परदेसमे चैलगेलै।

युहन्‍ना 4:54

यहुदियासे गालिलमे आइबके येसुके करल यि दोसर अजगुतके चेन्‍हा छेलै।

युहन्‍ना 6:1

तकरबाद येसु गालिल तालके ओइपार गेलै। ओकरा तिबेरियस ताल सेहो कहैछेलै।

युहन्‍ना 7:11

यहुदीसब पाबैनमे येसुके ताकैत रहै आ लोकसबसे पुछैछेलै कि “उ कते छै?”

युहन्‍ना 7:13

तैयो यहुदीसबके डरसे कोइ ओकर बारेमे खोइलके नै बोलैछेलै।

युहन्‍ना 7:19

मोसा तोरासबके बेबस्‍था देल्‍कौ, महज तुसब कोइ नै पालन करैचिही। तोरासब कथिले हमरा मारैले मौका ताकैचिही?”

युहन्‍ना 7:25

तब यरुसलेमके कुछ लोकसब यि कहैछेलै, “कि उ ओह्‍या लोक नै चियै, जकरा उसब मारैले ताकैछै?

युहन्‍ना 7:35

ओकर एहेन बात सुइनके यहुदीसब आपसमे कहल्‍कै, “यि लोक कते जाइले लागलछै जे हमसब ओकरा नै भेटाइबै? कि उ गिरिक देसमे तितर-बितर भेल यहुदीसब लग जेतै आ गिरिकियोसबके सिक्‍छा देतै?

युहन्‍ना 8:37

हम जानैचियै कि तुसब अबराहमके धियापुतासब चिही तैयो तुसब हमरा मारैले चाहैचिही कथिलेकी हमर बचन तोरासबके हिरदयमे राखैके ठाम नै छौ।

युहन्‍ना 8:40

महज हम तोरासबके परमेस्‍वरसे सुनल सत बातसब सुनाइचियौ त तुसब हमरा मारैले ताकैचिही। अबराहम त एहेन काम नै करल्‍कै।

परेरित 10:38

कनङ परमेस्‍वर नासरतके येसुके पबितर आत्‍मा आ सक्‍ती बिसेस रुपमे ओकरा देल्‍कै। उ कनङ भलाइके काम करैत गेलै, दियाबलसके सताबटमे परलहासबके निक करैत गेलै, कथिलेकी परमेस्‍वर ओकरसङे छेलै।