युहन्‍ना 6:63 - मध्‍य पुरविया थारू

⁶³ जिबन दैबला त परमेस्‍वरके आत्‍मा चियै। देहके कोनो महत्‍व नै छै। जे बचन हम तोरासबके देनेचियौ, उ परमेस्‍वरके आत्‍मासे एलचियै आ तोरासबके जिबन देतौ।

युहन्‍ना 6:63 ပူးပေါင်းရင်းမြစ်များ

युहन्‍ना 5:21

कथिलेत जहिनङ पिता मरलाहासबके जियाबैछै आ ओकरासबके जिबन दैछै, तहिनङ बेटो जकरा मन करैछै तकरा जिबन दैछै।

युहन्‍ना 6:68

सिमोन पतरुस जबाफ देल्‍कै, “हे परभु, हमसब कते जेबै? अहाँसङे अनन्‍त जिबन दैबला बचन छै।

परेरित 5:20

“जो आ मन्‍दिरमे ठार भ्‍याके नया जिबन दैबला सब सन्‍देस लोकसबके सुना।”

रोमी 10:17

बिस्‍बास सुनाइसे आबैछै आ सुनाइ त खिरिस्‍टके परचारसे आबैछै।

रोमी 2:25

यदि तुसब बेबस्‍था पालन करैचिही त खतना करल फाइदा हेतौ। महज तुसब बेबस्‍था पालन नै करैचिही त, तुसब खतना नै करैबला लोकसब जखा चिही।

रोमी 8:2

कथिलेत परमेस्‍वरके आत्‍मा येसु खिरिस्‍टमे बिस्‍बास करैबलासबके अनन्‍त जिबन दैछै। अपनासबके पापके नियम आ मिरतुसे छुटकरा दैछै।

१ कोरन्‍थी 15:45

तैखातिर पबितर धरमसास्‍तरमे एहेन लिखल छै, “पहिल्‍का लोक आदम जिबित परानी भेलै।” महज अन्‍तिम आदम अरथात खिरिस्‍ट जिबन दैबला आत्‍मा चियै।

गलाती 5:25

यदि पबितर आत्‍मा अपनासबके लया जिबन देनेछै त, ओकर अगुवाइ अनुसार चलैले परतै।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

गलाती 6:15

नै त खतनाके कोनो महत्‍व छै, नै त बेखतनाके, महज मुल बात यि चियै कि परमेस्‍वर अपनासबके नया लोक बनाइनेछै।

१ थेसलोनिकी 2:13

हमसब परमेस्‍वरके धन्‍यबाद चरहाइते रहैचियै, कथिलेकी जै परमेस्‍वरके सत बचन हमसब तोरासबके सुनेलियौ तुसब उ बचन लोकसबके चियै कैहके नै महज परमेस्‍वरके सत बचन छै बुइझके गरहन करलिही। उ बचन तोरासबके बिस्‍बासीसबके जिबनमे काम कैर रहल छौ।

१ तिमोथी 4:8

देहके कसरत करनाइ असल चियै, महज आत्‍मिक कसरत करनाइ औरो असल चियै, कथिलेकी अखुन आ आबैयोबला जिबनमे फैदाके लेल परतिग्‍या करने छै।

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

हिबरु 4:12

कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।

याकुब 1:18

उ आपन इक्‍छा अनुसार सत बचनसे अपनासबके लबका जलम देल्‍कै, ताकी हमसब ओकर सिरिस्‍टीके एकटा पहिल्‍का फल जखा भ्‍यासकी।

१ पतरुस 1:23

तुसब बिनास हैबला बियासे नै, बरु अभिनासी परमेस्‍वरके जिबित आ कहियो नास नै हैबला बचनसे लया जलम पाबनेचिही।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।