युहन्‍ना 6:60 - मध्‍य पुरविया थारू

⁶⁰ यि बातसब सुइनके येसुके चेलासबमेसे बहुतो गोरा कहल्‍कै, “यि सिक्‍छा त एकदम करा छै। यि के माने सक्‍तै?”

युहन्‍ना 6:60 ပူးပေါင်းရင်းမြစ်များ

मतीके लिखल सुसमाचार 11:6

उ धैनके चियै, जे हमर उपर सङका नै करैछै।”

युहन्‍ना 2:2

येसु आ ओकर चेलासबके बियाहमे नौता देने रहै।

युहन्‍ना 5:25

हम तोरासबके साँचोके कहैचियौ, उ समय आइबरहल छौ आ आइबगेल छौ, जब मरलहा लोकसब परमेस्‍वरके बेटाके अबाज सुन्‍तै आ जे कोइ ओकर अबाज सुन्‍तै सेसब बाच्‍तै।

युहन्‍ना 6:52

यि बातसे यहुदीसबके बिचमे बाद-बिबाद हैले लाग्‍लै। उसब कहेलाग्‍लै, “यि लोक अपनासबके कनङके आपन देह खाइले देबेसक्‍तै?”

युहन्‍ना 6:64

महज तोरासबमेसे कतहेक गोरा हमरा बिस्‍बासे नै करैछै।” (बिस्‍बास नै करेबला के छेलै आ ओकरा धोखा दैबला के छेलै से बात येसु सुरुवेसे जानैछेलै।)

युहन्‍ना 6:66

ओहै समयसे ओकर चेलासबमेसे बहुतो गोरा पछा हटलै आ ओकरसङे जाइले छोइरदेल्‍कै।

युहन्‍ना 7:3

तैखातिर ओकर भाइसब ओकरा कहल्‍कै, “यि ठाम छोइरके यहुदिया चैलजाउ, कि अहाँ जे कामसब कैररहल चियै से ओतेका चेलासब सेहो देखे।

युहन्‍ना 8:31

येसु आपन उपर बिस्‍बास करैबला यहुदीसबके कहल्‍कै, “यदि तुसब हमर बचनके पालन करैत रहबिही त, साँचोके तुसब हमर चेला चिही।

युहन्‍ना 8:43

हमर कहल बात तुसब कथिले नै बुझैचिही? कथिलेकी तुसब हमर कहल बचन सुनैयोले नै चाहैचिही।

हिबरु 5:11

अकर बारेमे तोरासबके कहैबला बहुतो बातसबछै, महज बुझैबला सक्‍ती मन्‍द भेल छौ, ओहैसे बुझाइले एकदम कठिनछै।

२ पतरुस 3:16

पावल सब चिठीसबमे अहिनङे बातसब लिख्‍नेछै। ओकर लिखल चिठीसबमे कोनो-कोनो बातसब बुझैले कठिनाइ हैछै। बात नै जानैबला लोक आ चनचल लोकसब ओकरा उल्‍टा पुल्‍टा अरथ लगाबैछै। उसब पबितर धरमसास्‍तरके सेहो ओहिने अरथ लगाबैछै। ओहिनाइते उसब आपनेके नासमे पुगाबैछै।