युहन्‍ना 6:53 - मध्‍य पुरविया थारू

⁵³ येसु उसबके कहल्‍कै, “साँचोके हम तोरासबके कहैचियौ, यदी तुसब मानबके बेटाके देह नै खेबही आ ओकर लहु नै पिब्‍ही त, तोरासबमे अनन्‍त जिबन नै रहतौ।

युहन्‍ना 6:53 ပူးပေါင်းရင်းမြစ်များ

मतीके लिखल सुसमाचार 18:3

“साँचोके हम तोरासबके कहैचियौ, जाबेतक तुसब मन बदैलके यि बच्‍चासबके मन जखा नै हेतौ ताबेतक स्‍वरगके राजमे कहियो नै ढुके सकबिही।

मतीके लिखल सुसमाचार 5:18

कथिलेत साँचे हम तोरासबके कहैचियौ, जबतक स्‍वरग आ पिरथिबी खतम नै हेतै तबतक बेबस्‍थामे लिखल बात बिना पुरा भेने छोटसे छोट बुन्‍का ओकर एकोटा आछर तक नै बुताइतौ।

मतीके लिखल सुसमाचार 8:20

तब येसु ओकरा कहल्‍कै, “देख, नरहियाके सोहैन छै आ चिरै-चुरगुनसबके खोता छै महज मानबके बेटाके त मुर राखैके ठामोतक नै छै।”

लुका 13:3

हम तोरासबके कहैचियौ, नै! महज तुसब आपन पाप माइनके पस्‍चाताव नै करबिही त ओहिनङके तोहेसब नास हेब्‍ही।

लुका 13:5

हम तोरासबके कहैचियौ, नै! महज तुसब आपन पाप माइनके पस्‍चाताव नै करबिही त ओहिना तुहुसब नास हेब्‍ही।”

युहन्‍ना 13:8

पतरुस कहल्‍कै, “हम अहाँके आपन टाङ कहियो नै धुवाबैले द्‍याब!” तब येसु ओकरा जबाफ देल्‍कै, “यदि हम तोहर टाङ नै धोबौ त हमरसङे तोहर कोनो समबन्‍ध नै रहतौ।”

युहन्‍ना 15:4

तुसब हमरमे रह आ हम तोरासबमे रहबौ। जेनङकी ठाइर अङगुरके लतीमे नै रहतै त उ आपनेसे फल फराइले नै सक्‍तै, तहिनङ तुसब हमरमे नै रहबिही त तुहुसब फल फराइले नै सकबिही।

युहन्‍ना 3:3

येसु निकोदेमसके कहल्‍कै, “साँचोके हम तोरासबके कहैचियौ, जाबेतक फेनोसे लोक नया कैरके जलम नै लेतै ताबे तक उ परमेस्‍वरके राज देखे नै सक्‍तै।”

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

युहन्‍ना 3:5

तब येसु ओकरा जबाब देल्‍कै, “हम तोरा साँचोके कहैचियौ, जाबेतक कोइ पानी आ आत्‍मासे जलम नै लेतै ताबेतक परमेस्‍वरके राजमे परबेस करैले नै सक्‍तै।

युहन्‍ना 6:47

“साँचोके हम तोरासबके कहैचियौ, जे बिस्‍बास करैछै, ओकरसङे अनन्‍त जिबन छै।

युहन्‍ना 6:51

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

युहन्‍ना 6:55

कथिलेत हमर देह साँचोके खाइबला आ हमर लहु साँचोके पियैबला चिज चियै।

युहन्‍ना 6:62

जब तुसब मानबके बेटाके जतेसे एलछेलै ओतै जाइत देखबिही त तुसब कथी करबही?

१ युहन्‍ना 5:12

जकरसङे परमेस्‍वरके बेटा छै, ओकरसङे जिबन छै आ जकरसङे परमेस्‍वरके बेटा नै छै ओकरसङे जिबन नै छै।

परकास 2:17

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित हासिल करतै, तकरा हम गुप्‍तमे भेल खाइबला मन्‍न देबै। हम ओकरासबके एकटा उजर पथल देबै, जैमे लया नाम लिखल रहतै। यि उजर पथल पाबैबला मातरे उ नाम जान्‍तै।’”

परकास 2:7

जकरा कान छै, से पबितर आत्‍मा मन्‍डलीसबके कथी कहैछै से बात सुने। जे जित्‍तै ओकरा परमेस्‍वरके स्‍वरगलोकमे भेल जिबन दैबला गाछिके फल खाइले देबै।’”