युहन्‍ना 6:51 - मध्‍य पुरविया थारू

⁵¹ स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

युहन्‍ना 6:51 ပူးပေါင်းရင်းမြစ်များ

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

लुका 22:19

तकरबाद येसु रोटी लेल्‍कै आ परमेस्‍वरके धन्‍यबाद चरहेल्‍कै तब रोटी तोइरके ओइसबके देल्‍कै आ कहल्‍कै, “तोरासबके खातिर देल यि हमर देह चियौ। आबसे हमर यादमे तोरौरके ऐहनङे करैतरह।”

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 1:29

तकर बिहानके युहन्‍ना येसुके आपन दिसन आबैत देखके कहल्‍कै, “देख, यि सन्‍सारके पाप उठाके लजाइबला परमेस्‍वरके थुमा चियै।

युहन्‍ना 11:26

आ जे कोइ हमरमे जियैछै आ बिस्‍बास करैछै उ कहियो नै मरतै। कि तु यि बातमे बिस्‍बास करैचिही?”

युहन्‍ना 3:13

स्‍वरगसे उतैरके एल हम मानबके बेटा बाहेक कोइ नै स्‍वरगमे चरहल छै।

युहन्‍ना 3:14

उजार जगहमे जहिनङ मोसा पितैरके साँपके उठेल्‍कै तहिनङे मानब-बेटा उठाल जेतै।

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

युहन्‍ना 6:33

कथिलेत परमेस्‍वरके रोटी ओह्‍या चियै, जे स्‍वरगसे आइबके सन्‍सारके जिबन दैछै।”

युहन्‍ना 6:35

तब येसु फेनो उसबके कहल्‍कै, “जिबनके रोटी हम्‍ही चियौ। जे हमरलग एतै उ कहियो नै भुखल रहतै आ हमरमे बिस्‍बास करैबला कहियो नै पियासल रहतै।

युहन्‍ना 6:41

अतबेहेकमे यहुदीसब ओकर बिरोध करैत गनगनाबे लाग्‍लै, कथिलेत उ कहल्‍कै, “स्‍वरगसे उतैरके एल रोटी हम्‍ही चियौ।”

युहन्‍ना 6:47

“साँचोके हम तोरासबके कहैचियौ, जे बिस्‍बास करैछै, ओकरसङे अनन्‍त जिबन छै।

युहन्‍ना 6:48

हम जिबनके रोटी चियै।

युहन्‍ना 6:50

महज हम त स्‍वरगसे एल रोटीके बारेमे कहैचियौ, जे कोइ यि रोटी खेतै, से कोइ कहियो नै मरतै।

युहन्‍ना 7:38

जे कोइ हमर उपर बिस्‍बास करैछै, पबितर धरमसास्‍तरमे कहल अनुसार उ लोकके हिरदयसे जिबित पानीके लदीसब बहतै।”

२ कोरन्‍थी 5:19

परमेस्‍वर आपनेसे खिरिस्‍टमे रैहके सन्‍सारके सब लोकसबके अपराधके लेखा नै ल्‍याके मिलापमे आइनरहलछेलै। आबसे यि मिलापके सेबा अपनासबके जिम्‍मा देनेछै।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

एफिसी 5:2

जनङ खिरिस्‍ट अपनासबके परेम करल्‍कौ, तहिनङ तुहुसब एक-दोसरके परेम कर। उ अपनसबके खातिर परमेस्‍वरके अगा आपनेके गमगम करैबला भेटी आ बलिदानके रुपमे अरपन करल्‍कै।

एफिसी 5:25

हे घरबलासब, आपन घरबालीसबके परेम कर, जनङ खिरिस्‍ट मन्‍डलीके परेम करल्‍कै आ आपन जिबन अरपन करल्‍कै।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

हिबरु 10:20

उ आपन परदारुपी देहके चिरके अपनासबके लेल एकटा लया जिबन दैबला रस्‍ता खोलदेनेछै।

१ पतरुस 2:4

तुसब परभुके लगमे या, जे परमेस्‍वरके जिबित पथल चियै, जकरा लोकसब छाइटदेनेछेलै महज उ परमेस्‍वरके दिरिस्‍टीमे छानल गेल आ बहुमुल्‍यके चियै।

१ युहन्‍ना 2:2

उ अपनासबके पापके दन्‍डसे बचाइके खातिर बलिदान भेलछै आ अपनेसबके खातिर मातरे नै, महज सन्‍सारमे भेल सबलोकके पापके खातिर भेलछै।

१ युहन्‍ना 4:10

साँचो परेम यि चियै कि, हमसब परमेस्‍वरके परेम नै करलियै महज तैयो परमेस्‍वर अपनासबके परेम करल्‍कै आ अपनासबके पापके बलिहैके लेल आपन बेटाके पठाइल्‍कै।

१ युहन्‍ना 4:14

हमसब यि देख्‍ने चियै आ साक्‍छी दैचियै कि, परमेस्‍वर पिता सन्‍सारके मुक्‍ती दैबला हैकेलेल आपन बेटाके पठाइने छै।