युहन्‍ना 6:45 - मध्‍य पुरविया थारू

⁴⁵ अगमबक्‍ताके किताबमे एहेन लिखलछै, ‘सबलोक परमेस्‍वरसे सिख्‍यालजेतै।’ जे कोइ पिताके सिक्‍छा सुनैछै आ सिखैछै से कोइ हमरलग आबैछै।

युहन्‍ना 6:45 ပူးပေါင်းရင်းမြစ်များ

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

मरकुस 1:2

यसैया अगमबक्‍ताके किताबमे एहेन लिखल छै, “देख, हम आपन दुतके तोहर अगा-अगा पठाइबौ, जे तोहर लेल रस्‍ता तयार करतौ।”

लुका 1:70

जहिनङ उ परापुरुवेकालसे आपन पबितर अगमबक्‍तासबके मुहसे बोल्‍नेछै,

लुका 18:31

येसु बारहो चेलासबके कातमे लेजाके कहल्‍कै, “सुन, आब अपनासब यरुसलेम ज्‍यारहल चियै। अगमबक्‍तासब मानबके बेटाके बारेमे लिखलाहा सबबातसब ओतै पुरा हेतौ।

युहन्‍ना 10:27

हमर भेंरासब हमर बोली सुनैछै। हम ओइसबके चिन्‍हैचियै आ उसब हमर पछा-पछा आबैछै।

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

युहन्‍ना 6:65

तब येसु फेनो कहल्‍कै, “ओहैसे हम तोरासबके कहनेचियौ, यदी पिता हमरलग आबैले नै देतै त कोइने हमरलग आबैले सक्‍तै।”

परेरित 13:40

तै खातिर साबधान रह, नै त अगमबक्‍तासबके किताबमे लिखल यि बातसब तोरौरके सङे भ्‍यासकैछौ-

परेरित 7:42

महज अहै कारन परमेस्‍वर ओइसबके छोइरदेल्‍कै, ‘ओइसबके अकासके सुरुज, चान आ तरासबके पुजा करैले छोइरदेल्‍कै। अहै बिसयमे परमेस्‍वरके अगमबक्‍तासबके किताबमे लिखल छै, हे इजराएलके लोकसब, कि तुसब चालिस बरिसतक उजार जगहमे हमरा बैलभोग आ चरहौवासब देल्‍ही?

एफिसी 1:17

हम अपनासबके परभु येसु खिरिस्‍टके महिमाके पिता, परमेस्‍वरके यि परथना करैचियै कि उ तोरासबके बुइध आ परकासके आत्‍मा देबे ताकी तुसब ओकरा असलसे चिन्‍हैले सके।

फिलिप्‍पी 3:15

अपनासब आत्‍मिक रुपमे परिपक भेलसबके ओहिने बिचार करेपरतै। ककरो ककरोमे फरक बिचार छै त परमेस्‍वरे तोरासबके परकट कैरदेतौ।

१ थेसलोनिकी 4:9

एक दोसरके परेम करे परैछै तैके बारेमे तोरासबके लेल लिखैके कोनो जरुरी नै छै, कथिलेकी परमेस्‍वर आपनेसे तोरासबके एक दोसरके परेम करे परैछै कैहके सिखाइने छौ।

हिबरु 10:16

“परमपरभु कहैछै, आबैबला दिनमे ओइसबसङे लबका करार बान्‍हबै। ओइसबके हिरदयमे हम आपन बेबस्‍था राइखदेबै आ ओइसबके मनमे उ बात लिखदेबै।”

१ युहन्‍ना 2:27

महज खिरिस्‍ट पबितर आत्‍मा तोरासबके देनेछौ। तोरासबके उपर पबितर आत्‍मा रहैतलिक कोइ नै तोरासबके सिखाइतौ कथिलेत पबितर आत्‍मा सब सिखाइतौ। ओकर सिख्‍याल सब बात सत हैछै, झुठ नै। पबितर आत्‍माके देल सिक्‍छा बमौजी खिरिस्‍टमे रह।