युहन्‍ना 6:42 - मध्‍य पुरविया थारू

⁴² उसब कहल्‍कै, “कि यि लोक योसेफके बेटा, येसु नै चियै? कि हमसब अकर माँ-बाबुके नै चिन्‍हैचियै? तब अखैन यि लोक कनङके, ‘हम स्‍वरगसे उतैरके एलचियौ’ कहैछै त?”

युहन्‍ना 6:42 ပူးပေါင်းရင်းမြစ်များ

मरकुस 6:3

कि यि ओह्‍या काठ मिसतिरी नै चियै से? कि यि मरियमके बेटा आ याकुब, योसेफ, यहुदा आ सिमोन के भैया नै चियै से? कि अकर बहिनसब अपनासबके सङे नै छै से?” तब उसब पिताइलै आ ओकरा बिस्‍बासे नै करल्‍कै।

लुका 4:22

सब लोकसब येसुके परसन्‍सा करल्‍कै आ अनुगरहसे भरल येसुके बचन सुइनके छक परलै। तब उसब कहैछेलै, “कि यि योसेफके बेटा नै चियै?”

युहन्‍ना 1:45

तकरबाद फिलिप नथानेलके भेटके कहल्‍कै, “हमरासबके उ भेटलै जकर बारे धरमसास्‍तरमे मोसाके बेबस्‍था आ अगमबक्‍तासब सेहो लिखने छेलै। उ योसेफके बेटा नासरतके येसु चियै।”

युहन्‍ना 3:13

स्‍वरगसे उतैरके एल हम मानबके बेटा बाहेक कोइ नै स्‍वरगमे चरहल छै।

युहन्‍ना 6:38

हमर आपन इक्‍छा नै महज हमरा पठाइबलाके इक्‍छा पुरा करैले हम स्‍वरगसे एलचियै।

युहन्‍ना 6:43

येसु ओइसबके जबाब दैत कहल्‍कै, “तुसब आपसमे गनगन नै कर।

युहन्‍ना 6:62

जब तुसब मानबके बेटाके जतेसे एलछेलै ओतै जाइत देखबिही त तुसब कथी करबही?

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।

१ कोरन्‍थी 15:47

पहिल्‍का लोक आदम पिरथिबीके माटीसे बन्‍याल छेलै, महज दोसर लोक खिरिस्‍ट स्‍वरगसे एलै।

गलाती 4:4

महज परमेस्‍वरके देल समय पुरा भेलाके बाद आपन बेटाके पठाइल्‍कै। उ जनिके कोखसे जलमलै आ बेबस्‍थाके अधिनमे जलमल छेलै।