युहन्‍ना 6:40 - मध्‍य पुरविया थारू

⁴⁰ कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

युहन्‍ना 6:40 ပူးပေါင်းရင်းမြစ်များ

मतीके लिखल सुसमाचार 10:15

साँचोके, हम तोरासबके कहैचियौ, नियाइके दिनमे ओइ सहरके दसासे बरु सदोम आ गमोराके दुख सहे जोकरके हेतै।

मतीके लिखल सुसमाचार 25:46

तब उसब दन्‍डके भागिदार हेतै, महज धरमीसब अनन्‍त जिबन पाबतै।”

मरकुस 16:16

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

लुका 2:30

कथिलेत हम आपन आँखसे अहाँके उदार देख्‍ने चियै,

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 10:28

हम ओकरासबके अनन्‍त जिबन दैचियै, उसब कहियो नै नास हेतै आ कोइ नै ओकरासबके हमर हाथसे छिनके लजाबे सक्‍तै।

युहन्‍ना 11:24

मारथा कहल्‍कै, “हँ, हम जानैचियै कि, अन्‍तके दिनके पुनरुथानमे फेनो उ जिबित भ्‍याके उठतै।”

युहन्‍ना 11:25

तब येसु ओकरा कहल्‍कै, “पुनरुथान आ जिबन हम्‍ही चियै। जे हमरा बिस्‍बास करतै, उ मरबो करतै त जिबित हेतै।

युहन्‍ना 12:45

जे हमरा देखैछै, उ हमरा पठाइबलाके देखैछै।

युहन्‍ना 12:50

हम जानैचियै कि ओकर आग्‍या अनन्‍त जिबन चियै। ओहैसे पिता हमरा जे कहैले लगाइनेछेलै ओह्‍या बात हम बाजैचियै।”

युहन्‍ना 14:17

उ पबितर आत्‍मा चियै जे सब सत्‍यतामे अगुवाइ करैछै। जकरा सन्‍सार गरहन नै करे सकैछै कथिलेत सन्‍सार ओकरा नै देखैछै नै चिन्‍हैछै। महज तुसब ओकरा चिन्‍हैचिही कथिलेत उ तोरासबसङे-सङे रहतौ आ उ तोरासबमे बास करतौ।

युहन्‍ना 14:19

कुछ देरके बाद हमरा फेनो सन्‍सार नै देख्‍तै, महज तुसब हमरा देखबिही। हम जिबित भेलाके कारन, तुहुसब जिबित रहबिही।

युहन्‍ना 17:2

कथिलेत अहाँ आपन बेटाके सब लोकसब उपर अधिकार देनेचियै, ताकि अहाँके देल सब लोकसबके अनन्‍त जिबन देबेसकी।

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

युहन्‍ना 4:14

महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

युहन्‍ना 6:39

हमरा पठाइबलाके इक्‍छा यि चियै, कि उ हमरा देल्‍हासबमेसे हम ककरो नै नास हैले देबै, महज अन्‍तके दिनमे उसबके जियाइबै।

युहन्‍ना 6:44

हमरा पठाबैबला पिता लोकसबके हमरलग आबैके मन नै देतै त कोइ नै हमरलग आबैले सक्‍तै आ अन्‍तके दिनमे हम उसबके जियाइबै।

युहन्‍ना 6:54

जे हमर देह खेतै आ लहु पितै ओकरसङे अनन्‍त जिबन रहतै आ अन्‍तके दिनमे हम ओकरा जियाइबै।

युहन्‍ना 8:56

तोरासबके पुरखा अबराहम हमर आबैबला दिन देखैके लेल बहुते इक्‍छा करने छेलै। उ देख्‍बो करल्‍कै आ बहुत खुसियो भेलै।”

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

हिबरु 11:1

बिस्‍बासके मतलब आसा करल बातमे निसचयता आ नै देखल बातमे पक्‍का भरोसा करनाइ चियै।

हिबरु 11:27

रजाके करोधसे नै डगमगाके बिस्‍बासकेसाथ उ मिसरदेस छोरल्‍कै। कथिलेकी आँखसे देखैले नै सकैबला परमेस्‍वरके देखल जखा कैरके उ पछा दिसन नै घुमलै।

१ पतरुस 1:8

तुसब ओकरा नै देख्‍नेचिही तैयो परेम करैचिही। अखैन तुसब नै देखैचिही तैयो ओकरमे बिस्‍बास करैचिही आ बखाने नै करेसकैबला गौरबमय आनन्‍दमे तुसब खुसी चिही।

१ युहन्‍ना 2:25

उ अपनासबके एकटा परतिग्‍या करने छै, उ परतिग्‍या अनन्‍त जिबन चियै।

यहुदा 1:21

आपनके परमेस्‍वरके परेममे राख आ अनन्‍त जिबनके लेल अपनासबके परभु येसु खिरिस्‍टके किरपाके परतिक्‍छा कर।