युहन्‍ना 6:2 - मध्‍य पुरविया थारू

² लोकसबके बरका भिर येसुके पछा-पछा जाइलेलाग्‍लै, कथिलेत रोगी-बिमारीसबके उपर करलहा येसुके अचमके कामसब उसब देखने रहै।

युहन्‍ना 6:2 ပူးပေါင်းရင်းမြစ်များ

मतीके लिखल सुसमाचार 12:15

जब येसु आपन बिरोधमे सल्‍लाह करैबला बात थाह पाबल्‍कै तब ओतेसे निकैलके चैलगेलै आ बहुतो लोकसब ओकर पछा लाग्‍लै। तब येसु सब रोगी-बिमारीसबके निक करल्‍कै।

मतीके लिखल सुसमाचार 13:2

ओकर कात-करौतमे लोकसबके बरका भिर आइबके जम्‍मा भ्‍यागेलै, तब उ नाहमे चहरलै आ लोकसबके भिर तालके कातमे ठार भेलै।

मतीके लिखल सुसमाचार 14:14

येसु जब नाहसे उतरलै तब लोकसबके बरका भिरके देखल्‍कै। भिरके देखैत मातर ओइलोकसब उपर दया लाइगगेलै आ ओइसबके बिचमे रहल रोगी-बिमारीसबके निक कैरदेल्‍कै।

मतीके लिखल सुसमाचार 8:1

जब येसु पहारसे निचा एलै तब लोकसबके बरका भिर ओकर पछा लाग्‍लै।

मरकुस 1:45

महज उ लोक बाहर निकैलके गेलै आ अपना निक भेल बात चारुदिसन परचार करे लाग्‍लै। तैल्‍याके येसु फेनो उ सहरमे लोकसबके अगा खुलस्‍त रुपमे आबैले नै सक्‍लै महज उ सुनसान जगहमे रहेलाग्‍लै। तैयो लोकसबके भिर चारुदिसनसे ओकरलग एलै।

मरकुस 6:33

महज बहुत लोकसब ओकरासबके जाइत देखल्‍कै आ चिन्‍हल्‍कै। तब लोकसब बहुत सहरसबसे पैदले चैलके ओते गेलै आ उसब पुगैसे पहिने लोकसब ओते पुग्‍लै।

युहन्‍ना 11:47

तब मुल पुजारीसब आ फरिसीसब महासभाके सदससबके बोल्‍याके कहल्‍कै, “आब अपनासब कथी करबै? यि लोक त बहुतो अजगुतके कामसब कैररहलछै।

युहन्‍ना 12:18

येसु एहेन अजगुतके काम करने छै कैहके भेटैले भिरके लोकसब ओकरलग गेलै।

युहन्‍ना 12:37

येसु लोकसबके अगा बहुतो अजगुतके कामसब करल्‍कै, तैयो उसब ओकरमे बिस्‍बास नै करल्‍कै।

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 2:23

जब येसु निस्‍तार पाबैनके बखत यरुसलेममे छेलै, तै बखत बहौत लोकसब ओकर अजगुतके कामसब देखके उसब ओकरमे बिस्‍बास करल्‍कै।

युहन्‍ना 20:30

येसु औरो बहुतो अजगुतके कामसब आपन चेलासबके अगामे करल्‍कै, जे बात अइ किताबमे नै लिखलगेल छै।

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

युहन्‍ना 6:14

तब उ लोकसब येसुके करल अजगुतके काम देखके कहेलाग्‍लै, “अपनासबके आस करल सन्‍सारमे आबैबला अगमबक्‍ता साँचोके एह्‍या चियै।”

युहन्‍ना 6:22

तालके कातमे एकेटा नाह मातरे छेलै आ आपन चेलासबसङे येसु ओइ नाहमे नै चरहल रहै, महज ओकर चेलासब मातरे चरहल छेलै कैहके तालके ओइपार ठारभेल लोकसबके काइलखिनाके भोरे याद परलै।

युहन्‍ना 6:26

येसु ओइसबके जबाब देल्‍कै, “हम तोरासबके साँचोके कहैचियौ, तुसब अचमके कामसब देखके नै महज रोटी ख्‍याके अगहेलासे हमरा ताकैचिही।

युहन्‍ना 6:30

उसब फेनो ओकरा कहल्‍कै, “अहाँ कोन अचमके काम देखाइबै, जे देखके हमसब बिस्‍बास करब? अहाँ कथी करबै?