युहन्‍ना 6:14 - मध्‍य पुरविया थारू

¹⁴ तब उ लोकसब येसुके करल अजगुतके काम देखके कहेलाग्‍लै, “अपनासबके आस करल सन्‍सारमे आबैबला अगमबक्‍ता साँचोके एह्‍या चियै।”

युहन्‍ना 6:14 ပူးပေါင်းရင်းမြစ်များ

मतीके लिखल सुसमाचार 11:3

“उ जे आबैबला छै, से अहै चियै, कि हमसब दोसरके पेरा ताकु?”

मतीके लिखल सुसमाचार 21:11

अगा-पछा चलैबला भिरके लोकसब ओइसबके जबाफ देल्‍कै, “यि त गालिल परदेसके नासरतसे एल अगमबक्‍ता येसु चियै।”

लुका 24:19

तब येसु ओइसबके पुछल्‍कै, “कोन घटनासब?” उसब जबाब देल्‍कै, “येसु नासरतके बारेमे, उ एक गोरा अगमबक्‍ता रहै। उ परमेस्‍वर आ लोकसबके सामने काम आ बचनमे सक्‍तिसाली रहै।

लुका 7:16

तब सबकोइ डेरागेलै आ परमेस्‍वरके परसन्‍सा करैत कहल्‍कै, “अपनासबके बिचमे एकटा बहुत बरका अगमबक्‍ता एलछै। परमेस्‍वर आपन लोकसबके बचाइले एलछै।”

युहन्‍ना 1:21

तब उसब ओकरा पुछल्‍कै, “कि तु एलिया चिही त?” युहन्‍ना जबाब देल्‍कै, “नै।” “तब कि तु अगमबक्‍ता चिही त?” उ जबाफ देल्‍कै, “नै।”

युहन्‍ना 11:27

तब मारथा येसुके कहल्‍कै, “हँ परभु, अहाँ त सन्‍सारमे आबैबला खिरिस्‍ट, परमेस्‍वरके बेटा चियै कैहके हम बिस्‍बास करैचियै।”

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 4:19

सामरी जनी कहल्‍कै, “मालिक, अहाँ अगमबक्‍ता चियै से बात आब हम जाइनगेलियै।

युहन्‍ना 4:25

यि बात सुइनके सामरी जनी कहल्‍कै, “हम जानैचियै कि मसिह (जकरा ‘खिरिस्‍ट’ कहैछै) आबैबलाछै। उ आइबके सब बात हमरासबके बुझ्‍यादेतै।”

युहन्‍ना 4:42

उसब ओइ जनिके कहल्‍कै, “अखुन तोरे बात सुइनके मातरे नै, महज हमरासब आपने ओकर उपदेस सुइनके बिस्‍बास करैचियै। बास्‍तममे ओह्‍या सन्‍सारके मुक्‍तीदाता चियै से हमसब जानैचियै।”

युहन्‍ना 6:2

लोकसबके बरका भिर येसुके पछा-पछा जाइलेलाग्‍लै, कथिलेत रोगी-बिमारीसबके उपर करलहा येसुके अचमके कामसब उसब देखने रहै।

युहन्‍ना 6:26

येसु ओइसबके जबाब देल्‍कै, “हम तोरासबके साँचोके कहैचियौ, तुसब अचमके कामसब देखके नै महज रोटी ख्‍याके अगहेलासे हमरा ताकैचिही।

युहन्‍ना 6:30

उसब फेनो ओकरा कहल्‍कै, “अहाँ कोन अचमके काम देखाइबै, जे देखके हमसब बिस्‍बास करब? अहाँ कथी करबै?

युहन्‍ना 7:40

जब भिरके लोकसब येसुके यि बात सुनल्‍कै तब कुछ लोकसब कहल्‍कै, “साँचोके यि लोक त आबैबला अगमबक्‍ता चियै।”

परेरित 7:37

यि ओह्‍या मोसा चियै, जे इजराएलीसबके कहने रहै, ‘परमेस्‍वर हमरा तोरे सबके खातिर हमर जखा अगमबक्‍ता पठाइतौ।’