युहन्‍ना 6:11 - मध्‍य पुरविया थारू

¹¹ तब येसु उ रोटी ल्‍याके परमेस्‍वरके धन्‍यबाद देल्‍कै आ बैठलहा लोकसबके खाइके लेल चेलासबके परसैले लगाइल्‍कै, तहिनङे माछोके परसैले लगाइल्‍कै। उ सबलोक अघा-अघाके खेल्‍कै।

युहन्‍ना 6:11 ပူးပေါင်းရင်းမြစ်များ

मतीके लिखल सुसमाचार 15:36

तकरबाद उ सात रोटी आ माछसब ल्‍याके परमेस्‍वरके धन्‍यबाद देल्‍कै आ खाइरके चेलासबके परसैले देल्‍कै। तब चेलासब लोकसबके परैस देल्‍कै।

लुका 24:30

जब येसु ओइसबसङे खाइले बैठलै तब उ रोटी ल्‍याके आसिरबाद देल्‍कै आ तोइरके ओइसबके देल्‍कै।

युहन्‍ना 21:10

तब येसु ओइसबके कहल्‍कै, “तुसब भरखरे मारल कुछ माछ हमरलग आन।”

युहन्‍ना 21:13

येसु रोटी ल्‍याके ओइसबके देल्‍कै आ ओहिनङे माछो देल्‍कै।

युहन्‍ना 21:9

जब उसब पखामे पुग्‍लै तब ओते कोइलाके आइग उपरमे पाकैत माछ आ रोटी देखल्‍कै।

युहन्‍ना 6:23

तब तिबेरियास सहरसे औरो नाहसब ओइ ठामलग एलै, जते येसु परमेस्‍वरके धन्‍यबाद द्‍याके लोकसबके रोटी खियाइने छेलै।

युहन्‍ना 6:9

“अते एकटा छौरा छै जकरसङे जौ के पाँचटा रोटी आ दुइटा माछ छै, महज अतेक लोकसबके लेल अतनेहेकसे कथी हेतै?”

परेरित 27:35

अतेक कैहके उ रोटी लेल्‍कै आ सबके सामने परमेस्‍वरके धन्‍यबाद देल्‍कै आ तोइरके खाइले लाग्‍लै।

रोमी 14:6

जे लोक एकटा दिनके बिसेस रुपसे मानैछै, उ लोक परभुके आदरके लेल पालन करैछै। तहिनङे जे लोक मासु लगाएत सब चिज खाइछै उ लोक परमेस्‍वरके आदरके लेल खाइछै आ परमेस्‍वरके धन्‍यबाद दैछै। जे लोक सागपात मातरे खाइछै उ लोक परमेस्‍वरके आदरके लेल खाइछै आ उहो परमेस्‍वरके धन्‍यबाद दैछै।

१ कोरन्‍थी 10:31

तैखातिर तुसब खो, पि या जेकुछ कर, सबकुछ परमेस्‍वरके महिमाके लेल कर।

१ थेसलोनिकी 5:18

केहनो परिस्‍थितीमे परमेस्‍वरके धन्‍यबाद दहै, कथिलेकी येसु खिरिस्‍टमे तोरासबके लेल परमेस्‍वरके इक्‍छा यिहे चियौ।