युहन्‍ना 5:25 - मध्‍य पुरविया थारू

²⁵ हम तोरासबके साँचोके कहैचियौ, उ समय आइबरहल छौ आ आइबगेल छौ, जब मरलहा लोकसब परमेस्‍वरके बेटाके अबाज सुन्‍तै आ जे कोइ ओकर अबाज सुन्‍तै सेसब बाच्‍तै।

युहन्‍ना 5:25 ပူးပေါင်းရင်းမြစ်များ

लुका 15:24

कथिलेत यि हमर बेटा मरल छेलै, फेनो जियल छै, हराएल छेलै आ भेटलै।’ तब सबकोइ भोजमे खुसी मनाइले लाग्‍लै।

लुका 15:32

महज अपनासबके खुसी हेबैये परतै, कथिलेत तोहर यि भाइ मरल जखा छेलौ, जियल छौ, हर्‌याल छेलौ, भेटलौ।’”

लुका 9:60

येसु ओकरा कहल्‍कै, “मुरदासबके आपनेसे मुरदा गारैले दहै, महज तोहे ज्‍याके परमेस्‍वरके राजके बारेमे परचार कर।”

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 17:1

येसु यि सब बात कहलाके बाद स्‍वरग दिसन ताइकके कहल्‍कै, “हे पिता, आब समय आइबगेल छै। अहाँ आपन बेटामे महिमा परकट करु, ताकि बेटो अहाँके महिमा परकट करे।

युहन्‍ना 4:21

येसु ओकरा जबाब देल्‍कै, “हे जनि, हमरा बिस्‍बास कर, उ समय आइबरहलछौ, जब तुसब नै त यि पहारमे नै त यरुसलेममे पिताके आराधना करबिही।

युहन्‍ना 4:23

महज समय आइबरहल छै आ समय एह्‍या चियै। साँचोके आराधना करैबलासब पबितर आत्‍माके अगुवाइमे आ सत बात अनुसार पिताके आराधना करतै। कथिलेत अहिनङे आराधना करैबलासबके आपन आराधना करैले ताकैछै।

युहन्‍ना 5:21

कथिलेत जहिनङ पिता मरलाहासबके जियाबैछै आ ओकरासबके जिबन दैछै, तहिनङ बेटो जकरा मन करैछै तकरा जिबन दैछै।

युहन्‍ना 5:28

तैखातिर तुसब अचम नै मान, कथिलेत समय आइबरहल छौ जब सब मरल लोकसब चिहानमे ओकर अबाज सुन्‍तै,

युहन्‍ना 6:60

यि बातसब सुइनके येसुके चेलासबमेसे बहुतो गोरा कहल्‍कै, “यि सिक्‍छा त एकदम करा छै। यि के माने सक्‍तै?”

युहन्‍ना 8:43

हमर कहल बात तुसब कथिले नै बुझैचिही? कथिलेकी तुसब हमर कहल बचन सुनैयोले नै चाहैचिही।

युहन्‍ना 8:47

जे परमेस्‍वरसङे समबन्‍ध राखैछै, उ परमेस्‍वरके बचन सुनैछै। तुसब परमेस्‍वरसङे समबन्‍ध नै राखैचिही, ओहैसे तुसब ओकर बचन नै सुनैचिही।”

युहन्‍ना 9:27

उ जबाब देल्‍कै, “हम अहाँसबके पहिने कैहदेने चियै, महज अहाँसब नै सुनलियै। फेनो कथिले ओह्‍या बात पुछैचियै? कि अहाँसब सेहो ओकर चेला बनैले चाहैचियै?”

रोमी 6:4

ओहैसे अपनासब सेहो ओकरसङे बप्‍तिस्‍मा दुवारा मैरके गारलगेलियै। जहिनङ सक्‍तिसाली परमेस्‍वर पिता आपन महिमा दुवारा येसु खिरिस्‍टके मरलसे जिबित करल्‍कै। आब अपनोसब पुरन्‍का जिबन जियैले छोइरके लया जिबनमे खिरिस्‍टसङे जिएपरतौ।

एफिसी 2:1

तुसब बिस्‍बास करैसे पहिने अटेरीपन आ पापके कारन आत्‍मिक रुपमे मरल छेल्‍ही।

एफिसी 2:5

अपनासब अटेर कैरके आत्‍मिक तबरसे मरल छेलियै तैयो परमेस्‍वर खिरिस्‍टसङे अपनासबके जिबित करल्‍कौ। तुसब परमेस्‍वरेके अनुगरहसे बच्‍याल गेलचिही।

एफिसी 5:14

जे असली रुप परकट हैछै उ इजोत चियै। पबितर धरमसास्‍तरमे अनङ लिखलछै, “हे बिभोर निनमे परल लोकसब जाग आ आपन पापके कारनसे मरल नै रह, जिबित हो। तब खिरिस्‍टके इजोत तोरासबमे चमकतौ।”

कलस्‍सी 2:13

तुसब पाप करलाके कारन आ बेबस्‍था अनुसार खतना नै करैबला गैर-यहुदी लोक भेलासे एक समय तुसब आत्‍मिक रुपमे मरल छेल्‍ही। महज आब त परमेस्‍वर तोरासबके खिरिस्‍टसङे जियाइनेछौ आ अपनासबके सब पाप छमा कैरदेनेछौ।

परकास 3:1

“सारडिसके मन्‍डलीके देख-भाल करैबला दुतके यि बात लिख: ‘जरकसङे सातटा तरा आ परमेस्‍वरके सातटा आत्‍माछै, उ अनङ कहैछै। तोहर काम हमरा थाहछै, तुसब आत्‍मामे जिबित चिही कैहके नाम त चललछौ, महज बास्‍तममे तुसब आत्‍मामे कमजोर भ्‍याके मरल चिही।