युहन्‍ना 5:23 - मध्‍य पुरविया थारू

²³ ताकि सबकोइ बेटाके आदर करे, जनङ उसब पिताके आदर करैछै। जे कोइ बेटाके आदर नै करैछै, उ लोक बेटाके पठाइबला पितोके आदर नै करैछै।

युहन्‍ना 5:23 ပူးပေါင်းရင်းမြစ်များ

मतीके लिखल सुसमाचार 10:37

जे कोइ हमरा परेम करैसे बेसी आपन माँ-बाबुके परेम करतै, उ हमर चेला बने नै सक्‍तै। तहिनङे जे कोइ हमरा परेम करैसे बेसी आपन धियापुताके परेम करतै सेहो हमर चेला बनैले नै सक्‍तै।

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

मतीके लिखल सुसमाचार 12:21

आ सब जातीके लोकसब ओकरे नाममे आसा राख्‍तै।”

मतीके लिखल सुसमाचार 15:8

‘यि लोकसब हमरा मुहसे मातरे आदर करैछै! महज ओइसबके मन हमरसे बहौत दुर छै।

मतीके लिखल सुसमाचार 28:19

तहैलेल जो आ सब देसके लोकसबके चेला बना, पिता, पुतर आ पबितर आत्‍माके नाममे बप्‍तिस्‍मा दहै।

लुका 10:16

“जे तोरासबके बातसब मान्‍तौ, उ हमरो बातसब मान्‍तै आ जे तोरासबके इन्‍कार करतौ, उ हमरो इन्‍कार करतै आ जे हमरा इन्‍कार करतै, उ हमरा पठाइबलाके इन्‍कार करतै।”

युहन्‍ना 14:1

येसु चेलासबके कहल्‍कै, “तोरासबके मन बेचैन नै हेबे। तुसब परमेस्‍वरमे बिस्‍बास करैचिही आ हमरोमे बिस्‍बास कर।

युहन्‍ना 16:14

उ हमर महिमा करतौ, कथिलेत जे हमर चियै, से हमरसे ल्‍याके तोरासबके कैहदेतौ।

युहन्‍ना 17:10

हमरसङे भेल सब अहाँके चियै आ अहाँसङे भेल सब हमरे चियै। ओकरेसबसे हमर महिमा भेल छै।

रोमी 1:7

तुसब रोम सहरमे भेल सब लोकसबके परमेस्‍वर परेम करैछै, जे परमेस्‍वरके पबितर लोक हैकेलेल बोल्‍यालगेलछै। अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

रोमी 15:12

दोसर ठाममे यसैया अगमबक्‍ता फेर कहैछै, “यिसैके बंससे एक गोरे एतै, उ गैर-यहुदीसब उपर सासन करतै आ उसब ओकरेमे आसा राख्‍तै।”

रोमी 6:22

आब तुसब पापके बन्‍धनसे छुटकरा पाइबके परमेस्‍वरके दास भेलचिही। ओइसे तोरासबके पबितर बनाइतौ आ तुसब अनन्‍त जिबन पाबबिही।

रोमी 8:9

यदि साँचोके परमेस्‍वरके आत्‍मा तोरासबमे बास करैछौ त, तुसब पाप स्‍वभाबके अधिनमे नै, महज पबितर आत्‍माके अधिनमे रहैचिही। यदि कोनो लोकमे खिरिस्‍टके आत्‍मा नै छै त, उ खिरिस्‍टके लोक हेबे नै करतै।

१ कोरन्‍थी 1:3

अपनासबके परमेस्‍वर पिता आ परभु येसु खिरिस्‍टसे तोरासबके अनुगरह आ सान्‍ती मिले।

१ कोरन्‍थी 10:31

तैखातिर तुसब खो, पि या जेकुछ कर, सबकुछ परमेस्‍वरके महिमाके लेल कर।

१ कोरन्‍थी 16:22

कोइ परभुके परेम नै करतै त उ सरापित हेबे। हे अपनासबके परभु, आबु!

१ कोरन्‍थी 6:19

तोरासबके देह पबितर आत्‍माके मन्‍दिर चियौ, जे पबितर आत्‍मा तुसब परमेस्‍वरसे पाबनेचिही आ उ तोरासबमे बास करैछौ, से बात तोरासबके थाह नै छौ? तुसब स्‍वयम आपने नै चिही।

२ कोरन्‍थी 1:9

हमरासब त आब मैर जेबै जखा लागल छेलै। हमसब आपनेमे भरोसा राखैके लेल नै, महज मरलहासबके जियाइबला परमेस्‍वरमे भरोसा करे सकि कैहके यि हैले एलै।

२ कोरन्‍थी 13:14

परभु येसु खिरिस्‍टके अनुगहर, परमेस्‍वर पिताके परेम आ पबितर आत्‍माके संगति तोरासबके सङे हैतरहे।

२ कोरन्‍थी 5:14

हमसब त खिरिस्‍टके परेमके बसमे चियै, कथिलेकी हमसब निसचिन्‍त चियै कि सबलोकके लेल खिरिस्‍ट मरलाके कारन सबके मिरतु भेलै।

२ कोरन्‍थी 5:19

परमेस्‍वर आपनेसे खिरिस्‍टमे रैहके सन्‍सारके सब लोकसबके अपराधके लेखा नै ल्‍याके मिलापमे आइनरहलछेलै। आबसे यि मिलापके सेबा अपनासबके जिम्‍मा देनेछै।

एफिसी 6:24

परभु येसु खिरिस्‍टके परेम करैबला सङे परमेस्‍वरके अनुगरह सबदिन रहे।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

हिबरु 1:6

परमेस्‍वर आपन पहिन्‍का जलमल बेटाके सन्‍सारमे पठाबै बखत उ फेनसे अनङ कहल्‍कै, “परमेस्‍वरके सब स्‍वरगदुतसब ओकरे पुजे।”

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।

१ युहन्‍ना 2:23

जे बेटाके इन्‍कार करैछै ओकरसङे पिता नै रहैछै महज जे बेटाके सुइकार करैछै ओकरसङे पितो रहैछै।

२ युहन्‍ना 1:9

खिरिस्‍टके सिक्‍छासे बाहर जाइबला लोकसङे परमेस्‍वर नै रहैछै, महज ओकर सिक्‍छामे चलैबला लोकसङे परमेस्‍वर पिता आ बेटा दुनु रहैछै।