युहन्‍ना 5:20 - मध्‍य पुरविया थारू

²⁰ कथिलेत पिता बेटाके परेम करैछै आ पिता आपनेसे करलहा सबकाम बेटाके देखाइछै। पिता अहौसे बेसी महान काम बेटाके देखाइतै आ तुसब छक परबिही।

युहन्‍ना 5:20 ပူးပေါင်းရင်းမြစ်များ

मतीके लिखल सुसमाचार 11:27

“हमर पिता हमरा सबचिज सोइप देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै महज बेटा जेकरासबके चिन्‍हादैछै उसब मातरे पिताके चिन्‍हैछै।

मतीके लिखल सुसमाचार 17:5

पतरुस यि बात बाजतेछेलै कि तखुन्‍ते एकटा चम्‍कौवा बादल एलै आ छाहसे ओइसबके झाइपदेल्‍कै। तकरबाद ओइ बादलसे एकटा एहेन अबाज एलै, “यि हमर दुलरुवा बेटा चियै, अकरसे हम बहौत खुसी चियै, अकर बात धियानसे सुन।”

मतीके लिखल सुसमाचार 3:17

तब स्‍वरगसे एहेन एकटा अबाज एलै, “यि हमर दुलरुवा बेटा चियै, अकरसे हम बहौत खुसी चियै।”

मतीके लिखल सुसमाचार 4:8

फेनो सैतान येसुके एकटा उच्‍का पहाड़मे लज्‍याके सन्‍सारके सब राज आ आपन सान देखाइत कहल्‍कै,

लुका 10:22

“हमर पिता हमरा सबचिजके जिमा देने छै। बेटा के चियै से पिता बाहेक कोइ नै चिन्‍हैछै, पिताके चियै से बेटा बाहेक कोइ नै चिन्‍हैछै आ बेटा ओकरा जकरलग परगट करैके इक्‍छा करैछै से औरो कोइ नै जानैछै।”

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 10:32

महज येसु ओइसबके कहल्‍कै, “हम तोरासबके हमर पितासे बहुतो अजगुतके कामसब कैरके देखेलियौ, ओइसबमेसे कोन कामके लेल तुसब हमरा पथलसे मारैले चाहैचिही?”

युहन्‍ना 14:12

“साँचोके हम तोरासबके कहैचियौ, हमरमे बिस्‍बास करैबला सेहो यि कामसब करे सक्‍तै जे कामसब हम करैचियै आ ओहौसे पैध कामसब करतै कथिलेत हम पितालग जाइचियै।

युहन्‍ना 15:15

आबसे हम तोरासबके नोकर नै कहबौ, कथिलेकी मालिक कथी कैररहलछै से नोकर नै जानैछै। महज हम तोरासबके सङी कैहरहल चियौ, कथिलेकी हमर पितासे हम जे सुन्‍ने चियै से सब तोरासबके कैहदेने चियौ।

युहन्‍ना 17:26

हम ओकरासबके अहाँके चिन्‍हादेनेचियै आ अहाँके चिन्‍हाइते रहबै, ताकि जे परेम अहाँ हमरा करलियै, ओह्‍या परेम ओइसबमे रहे आ हम ओइसबमे रही।”

युहन्‍ना 3:35

परमेस्‍वर आपन बेटाके परेम करैछै आ सब चिज ओकरे हाथमे राइखदेनेछै।

युहन्‍ना 5:21

कथिलेत जहिनङ पिता मरलाहासबके जियाबैछै आ ओकरासबके जिबन दैछै, तहिनङ बेटो जकरा मन करैछै तकरा जिबन दैछै।

युहन्‍ना 5:25

हम तोरासबके साँचोके कहैचियौ, उ समय आइबरहल छौ आ आइबगेल छौ, जब मरलहा लोकसब परमेस्‍वरके बेटाके अबाज सुन्‍तै आ जे कोइ ओकर अबाज सुन्‍तै सेसब बाच्‍तै।

युहन्‍ना 5:29

आ चिहानसे बाहर निकैलके एतै। निक काम करैबलासब अनन्‍त जिबनके लेल आ दुस्‍ट काम करैबलासब अनन्‍त दन्‍डके लेल जि के उठतै।

२ पतरुस 1:17

जब उ परमेस्‍वर पितासे आदर आ महिमा पाबल्‍कै, तब परमेस्‍वर महा महिमासे एहैन आबाज एलै, “यि हमर दुलरुवा बेटा चियै, जकरसे हम बहुत खुसी चियै।”