युहन्‍ना 4:39 - मध्‍य पुरविया थारू

³⁹ “अखुनतक हमर करलहा सबकाम उ हमरा कैहदेल्‍कै” कैहके जनिके द्‍याल गबाहिसे ओइ गामके सामरीसबमेसे बहौत गोरा येसुमे बिस्‍बास करल्‍कै।

युहन्‍ना 4:39 ပူးပေါင်းရင်းမြစ်များ

मतीके लिखल सुसमाचार 10:5

तब येसु आपन बारहो चेलासबके एहेन कैहके पठाइल्‍कै, “तुसब गैर-यहुदीसबके बिचमे आ सामरीसबके सहरमे नै जो।

युहन्‍ना 1:37

यि बात सुइनके दुइ गोरा चेलासब येसुके पछा लाग्‍लै।

युहन्‍ना 11:45

तब येसुके करल यि काम देखके मरियमके भेटैले एल यहुदी लोकसबमेसे बहुतो लोक ओकरा बिस्‍बास करल्‍कै।

युहन्‍ना 4:29

“आबैजो, अते आइबके एकटा लोकके देख! हमर करल सबकाम उ हमरा कैहदेल्‍कै। कि ओह्‍या मुक्‍ती दैबला रजा खिरिस्‍ट त नै चियै?”

युहन्‍ना 4:30

यि बात सुइनके लोकसब सहरसे निकैलके येसुके देखैले एलै।

युहन्‍ना 4:38

हम तोरासबके काटैले पठाइने चियौ, जे तुसब नै रोपनेचिही। औरो कोइ मेहतन करल्‍कै आ ओकरासबके करलहा मेहनतसे तोरासबके फैदा भेलछौ।”

युहन्‍ना 4:40

तब उसब येसुके भेटैले एलै आ हमरासबसङे बैठु कैहके बिन्‍ती करल्‍कै, तब येसु ओइसबसङे दुइ दिन ओतै रहलै।

युहन्‍ना 4:42

उसब ओइ जनिके कहल्‍कै, “अखुन तोरे बात सुइनके मातरे नै, महज हमरासब आपने ओकर उपदेस सुइनके बिस्‍बास करैचियै। बास्‍तममे ओह्‍या सन्‍सारके मुक्‍तीदाता चियै से हमसब जानैचियै।”

युहन्‍ना 4:5

येसु सामरिया परदेसके सुखार नामके गाममे पुग्‍लै। उ गाम याकुब आपन बेटा योसेफके देल्‍हा जमिनके लगेमे छेलै।

युहन्‍ना 4:8

(तै बखत उ असगरे छेलै, कथिलेत ओकर चेलासब खाइ-पियैबला चिजसब किनैले सहर गेल रहै।)