युहन्‍ना 4:34 - मध्‍य पुरविया थारू

³⁴ येसु ओइसबके कहल्‍कै, “हमर खाइबला चिज यि चियै, जे हम आपन पठाबैबलाके इक्‍छा बमोजिम करनाइ आ ओकर काम पुरा करनाइ चियै।

युहन्‍ना 4:34 ပူးပေါင်းရင်းမြစ်များ

मतीके लिखल सुसमाचार 26:39

उ कन्‍हिक अगा बैढके भुइयामे मुरी गोइतके अनङ कैहके परथना करेलाग्‍लै, “हे हमर पिता, यदी भ्‍यासकैछै त यि दुखके बाटी हमरासे हटा दिय, महज तैयो हमर इछा बमौजी नै, बल्‍की अहिके इछा बमौजी हेबे।”

मतीके लिखल सुसमाचार 3:15

तब येसु युहन्‍नाके कहल्‍कै, “अखुन अहिनङे हेबे दियौ। कथिलेत अपनासबके खातिर एह्‍या उचित छै जे अहिनङे सब धारमिकताके पुरा करे परतै।” तब युहन्‍ना ओकर बात मानैले राजी भेलै।

मतीके लिखल सुसमाचार 9:19

येसु उठलै आ आपन चेलासबसङे ओकर पछा पछा गेलै।

लुका 15:10

हम तोरासबके कहैचियौ, अहिनङे पस्‍चाताव करैबला पापीके लेल स्‍वरगमे परमेस्‍वर स्‍वरगदुतसबके अगा खुसी मनाबैछै।”

लुका 19:10

कथिलेत मानबके बेटा हरेल्‍हाके ताकैले आ बचाइले एलछै।”

लुका 2:49

येसु जबाफ देल्‍कै, “तुसब हमरा कथिले खोजैचिही? हम आपन पिताके घरमे रहे परतै से बात तोरासबके थाह नै छेलौ?”

युहन्‍ना 17:4

अहाँ जे काम करैले हमरा जिमा देनेछेलियै, से काम पुरा कैरके पिरथिबीमे हम अहाँके महिमा करनेचियै।

युहन्‍ना 19:28

जब येसु सबकाम पुरा भेलै कैहके थाह भेलै से जाइनके पबितर धरमसास्‍तर पुरा हैके उदेस्‍यसे “हमरा पियास लाग्‍लै” कहल्‍कै।

युहन्‍ना 19:30

तब येसु उ पिके कहल्‍कै, “आब पुरा भेलै।” तकरबाद उ आपन मुरी तर कैरके परान तियाइग देल्‍कै।

युहन्‍ना 4:32

महज येसु ओइसबके कहल्‍कै, “हमरसङे एहेन खाइबला चिज छै, जकर बारेमे तुसब नै जानैचिही।”

युहन्‍ना 5:30

“हम आपनेसे कुछो करे नै सकैचियै। हम पितासे जे सुनैचियै, ओह्‍या अनुसार हम नियाइ करैचियै आ हमर नियाइ ठिक छै, कथिलेत हम आपन इक्‍छा नै महज हमरा पठाइबलाके इक्‍छा अनुसार करैचियै।

युहन्‍ना 5:36

“महज युहन्‍नाके देल गबाहीयोसे बरका गबाही हमरलग छै। कथिलेत जे काम पुरा करैके लेल पिता हमरा देने छै, उ काम हम करैचियै आ ओह्‍या कामसब हमर बारेमे गबाही दैछै कि, पिते हमरा पठाइने छै।

युहन्‍ना 6:33

कथिलेत परमेस्‍वरके रोटी ओह्‍या चियै, जे स्‍वरगसे आइबके सन्‍सारके जिबन दैछै।”

युहन्‍ना 6:38

हमर आपन इक्‍छा नै महज हमरा पठाइबलाके इक्‍छा पुरा करैले हम स्‍वरगसे एलचियै।

युहन्‍ना 8:29

जे हमरा पठाइने छै उ हमरे सङे छै। उ हमरा असगरे नै छोरने छै, कथिलेत हम हरदम ओकरा खुसि बनाइबला काम करैचियै।”

परेरित 20:35

हम आपन सबकाम तोरासबके कैरके देखा देलियौ कि, तुहुसब अहिनङे मेहनत कैरके कमजोरसबके मदत कर आ परभु येसुके कहल बचन याद कर जे उ आपनेसे कहनेछै, ‘लेनाइ से देनाइ मे आसिस छै।’”

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।