युहन्‍ना 4:3 - मध्‍य पुरविया थारू

³ फरिसीसब एहेन बात सुन्‍नेछै से बात जाइनके येसु यहुदिया परदेस छोइरके फेनो गालिल परदेसमे चैलगेलै।

युहन्‍ना 4:3 ပူးပေါင်းရင်းမြစ်များ

मतीके लिखल सुसमाचार 10:23

जब लोकसब तोरासबके एक गाममे सताइतौ तब दोसर गाममे भाइगके जो। साँचोके हम तोरासबके कहैचियौ, मानबके बेटा आबैसे पहिने तुसब इजराएलके सब गाम कोनोभी हालतमे आपन काज पुरा नै करने रहबिही।

मरकुस 3:7

तकरबाद येसु आपन चेलासबसङे ताल दिसन गेलै आ गालिलसे लोकसबके बरका भिर ओकर पछा लाग्‍लै।

लुका 17:11

येसु यरुसलेम दिसन जाइत खिना सामरिया आ गालिलके सिमाना हैत ज्‍यारहल छेलै।

युहन्‍ना 1:43

तकर बिहानके येसु गालिल इलाका जाइले निरनय कैरके निकललै। तहै बखत ओकरा फिलिपसङे भेट भेलै आ उ ओकरा कहल्‍कै, “हमर पछा लाग।”

युहन्‍ना 10:40

येसु फेनो यरदन लदीके ओइपार चैलगेलै जते युहन्‍ना सुरुमे बप्‍तिस्‍मा दैछेलै आ उ ओतै रहलै।

युहन्‍ना 11:54

तैखातिर येसु फेनो यहुदीसबके बिचमे खुलमखुला नै चलेलाग्‍लै, महज उजार जगहके नजदिकमे रहल एफराइम नाउके सहरमे गेलै आ आपन चेलासबसङे ओतै रहेलाग्‍लै।

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 3:22

तकरबाद येसु आ ओकर चेलासब यहुदीया परदेसके गाम दिसन गेलै आ उसब कुछदिन तक ओतै रैहके लोकसबके बप्‍तिस्‍मा देल्‍कै।

युहन्‍ना 3:32

उ जे बात देखनेछै आ सुन्‍नेछै, उ तहै बातके गबाही दैछै, महज ओकर गबाही कोइ नै सुइकार करैछै।

युहन्‍ना 4:47

येसु यहुदिया परदेससे गालिल परदेसमे पुइग गेल्‍छै, से सुइनके उ ओकरलग गेलै आ बिन्‍ती करैत कहल्‍कै, “आबु हमर बेटा मरे लागलछै, ओकरा निक कैरदियौ।”

युहन्‍ना 7:1

तकरबाद येसु गालिल परदेसमे घुमफिर करल्‍कै। उ यहुदिया इलाका दिसन जाइले नै चाहल्‍कै, कथिलेत यहुदीसब ओकरा जानसे मारैले मौका ताकैछेलै।