युहन्‍ना 4:14 - मध्‍य पुरविया थारू

¹⁴ महज हमर देल पानी पियैबला फेनो कहियो नै पियासल रहतै, कथिलेत हमर देल पानी ओकर भितरसे निकलैबला पानीके मुल हेतै आ ओकरा अनन्‍त जिबन देतै।”

युहन्‍ना 4:14 ပူးပေါင်းရင်းမြစ်များ

मतीके लिखल सुसमाचार 25:46

तब उसब दन्‍डके भागिदार हेतै, महज धरमीसब अनन्‍त जिबन पाबतै।”

मतीके लिखल सुसमाचार 5:6

धैनके चियै धारमिकताके खातिर भुखल-पियासलसब, कथिलेत उसब अघाइतै।

युहन्‍ना 10:10

चोर त चोराइले, मारैले आ नास करैके लेल मातरे आबैछै। महज हम त लोक जिबन पाबे आ उ भरपुर कैरके पाबे कैहके एलियै।

युहन्‍ना 11:26

आ जे कोइ हमरमे जियैछै आ बिस्‍बास करैछै उ कहियो नै मरतै। कि तु यि बातमे बिस्‍बास करैचिही?”

युहन्‍ना 4:10

येसु ओकरा जबाब देल्‍कै, “परमेस्‍वर तोरा दैबला बरदानके आ तोहर सङे पानी माङैबला लोकके चिनतिही त, तु ओकरसे माङतिही आ उ तोरा जिबनके पानी देतियौ।”

युहन्‍ना 4:11

तब उ सामरी जनी कहल्‍कै, “मालिक, अहाँसङे त पानी भरैले डोलो नै छै, इनार बहौत गैहर छै। जिबनके पानी अहाँ कतसे आन्‍बै?

युहन्‍ना 4:13

येसु जबाब देल्‍कै, “यि पानी पियैबला सबकोइ फेनो पियासले रहतै।

युहन्‍ना 4:36

अखनियो बाली काटैबलाके बैन भेटैछै आ अनन्‍त जिबनके खातिर अन जमा करैछै, तब छिटैबला आ काटैबला दुनु सङे-सङे खुसी मनाबैछै।

युहन्‍ना 6:27

नास हैबला भोजनके खातिर मेहनत नै कर महज अनन्‍त जिबन तक रहैबला भोजनके लेल मेहनत कर, जे मानबके बेटा तोरासबके देतौ। कथिलेत परमेस्‍वर पिता ओकर उपर आपन छाप लगादेनेछै।”

युहन्‍ना 6:35

तब येसु फेनो उसबके कहल्‍कै, “जिबनके रोटी हम्‍ही चियौ। जे हमरलग एतै उ कहियो नै भुखल रहतै आ हमरमे बिस्‍बास करैबला कहियो नै पियासल रहतै।

युहन्‍ना 6:58

यि उ रोटी नै चियै, जे तोरासबके पिता-पुरखासब खेल्‍कौ आ मैरगेलौ। महज जे यि रोटी खेतै, उ सबदिन जिबित रहतै।”

युहन्‍ना 7:37

पाबैनके अन्‍तिम दिन अरथात मुल दिनमे येसु ठार भ्‍याके जोरसे कहल्‍कै, “तोरासबमेसे यदि कोइ पियासल चिही त उ हमरलग आबे आ पिबे।

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

२ कोरन्‍थी 1:22

अपनासबमे उ आपन छाप लगाइने छै आ बैनाके रुपमे पबितर आत्‍माके अपनासबके हिरदयमे बास करैले देने छै।

एफिसी 4:30

परमेस्‍वरके पबितर आत्‍माके दुखी नै बना, कथिलेत पबितर आत्‍मा तोरासबके छुटकाराके दिनके खातिर भेटल छाप चियौ।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

परकास 7:16

उसब कहियो नै भुखल आ पियासल रहतै। उसबके सुरुजके टहटहवा रौद या नै कोनो जराइबला धाहसे हानी करतै।

परकास 7:17

कथिलेत सिंहासनके बिचमे रहैबला थुमा ओकरासबके चरबाहा हेतै, ओकरासबके डोरियाइत जिबनके पानीके मुलमे लजेतै आ परमेस्‍वर ओकरासबके आँखके सब लोर पोइछदेतै।”