युहन्‍ना 3:32 - मध्‍य पुरविया थारू

³² उ जे बात देखनेछै आ सुन्‍नेछै, उ तहै बातके गबाही दैछै, महज ओकर गबाही कोइ नै सुइकार करैछै।

युहन्‍ना 3:32 ပူးပေါင်းရင်းမြစ်များ

मतीके लिखल सुसमाचार 7:8

कथिलेत जे माङैछै, उ पाबैछै, जे खोजैछै, ओकरा भेटैछै आ जे ढकढकाइछै, तकरा लेल केबार खुलैछै।

युहन्‍ना 1:11

उ आपने लोकसबलग एलै, महज ओकर आपने लोकसब ओकरा सुइकार नै करल्‍कै।

युहन्‍ना 15:15

आबसे हम तोरासबके नोकर नै कहबौ, कथिलेकी मालिक कथी कैररहलछै से नोकर नै जानैछै। महज हम तोरासबके सङी कैहरहल चियौ, कथिलेकी हमर पितासे हम जे सुन्‍ने चियै से सब तोरासबके कैहदेने चियौ।

युहन्‍ना 18:37

पिलातस ओकरा पुछल्‍कै, “कि तु रजे चिही त?” तब येसु जबाफ देल्‍कै, “हम रजा चियै कैहके अहै त कहैचियै। हम अहै खातिर यि सन्‍सारमे जलम लेलियै आ सतके बारेमे गबाही दैले सन्‍सारमे एलियै। जे सतके पक्‍छमेछै, से हमर बात सुनैछै।”

युहन्‍ना 3:11

साँचोके हम तोरा कहैचियौ, जे बात हमसब जानैचियै, ओह्‍या बात हमसब कहैचियै आ जे बात देखने चियै ओहैके गबाही दैचियै, महज तैयो तुसब हमरासबके गबाहीके सुइकार नै करैचिही।

युहन्‍ना 3:26

उसब युहन्‍ना लग आइबके कहल्‍कै, “गुरु जी, यरदन लदीके ओइपार जे अहाँसङे रहै, जकर बारेमे अहाँ गबाही देने रहियै, से बप्‍तिस्‍मा द्‍यारहलछै आ सब गोरा ओकरे लग जाइछै।”

युहन्‍ना 3:33

महज जे ओकर गबाही सुइकार करने छै, उ लोक परमेस्‍वर सत छै कैहके गबाही दैछै।

युहन्‍ना 5:20

कथिलेत पिता बेटाके परेम करैछै आ पिता आपनेसे करलहा सबकाम बेटाके देखाइछै। पिता अहौसे बेसी महान काम बेटाके देखाइतै आ तुसब छक परबिही।

युहन्‍ना 8:26

तोरासबके बारेमे कहैबला आ नियाइ करैबला बहौत बातसब हमरसङे छै। महज हमरा पठाइबला सत छै आ हम जे ओकरसे सुन्‍ने चियै ओहे बात सन्‍सारके लोकसबके बताइचियै।