युहन्‍ना 3:31 - मध्‍य पुरविया थारू

³¹ जे उपरसे एलछै उ सबसे महान छै। सन्‍सारमे जलमल लोक सन्‍सारके हैछै आ सन्‍सारेके बात करैछै। महज जे स्‍वरगसे आबैछै उ सबसे महान छै।

युहन्‍ना 3:31 ပူးပေါင်းရင်းမြစ်များ

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

युहन्‍ना 1:15

युहन्‍ना ओकरे बारेमे गबाही दैत जोरसे कहल्‍कै, “हमरसे पछा आबैबला हमरसे बहौत महान छै, कथिलेत उ हम जलमैसे पैहनैयेसे छेलै। यि ओह्‍या लोक चियै, जकर बारेमे सब बात हम कहने छेलियौ।”

युहन्‍ना 1:27

हमरसे पछा आबैबला ओह्‍या चियौ। जकर हम जुताके फितो तक खोलैके जोकर नै चियै।”

युहन्‍ना 1:30

ओकरे बारेमे हम कहने छेलियौ, ‘हमरसे पछा एक गोरा आबैछौ, उ हमरसे महान छै कथिलेत उ हम जलमैसे पैहनैयेसे छेलै।’

युहन्‍ना 3:30

उ बढते जाइत रहे, महज हम घटते जाइत रही।”

युहन्‍ना 6:33

कथिलेत परमेस्‍वरके रोटी ओह्‍या चियै, जे स्‍वरगसे आइबके सन्‍सारके जिबन दैछै।”

युहन्‍ना 6:51

स्‍वरगसे एल जिबित रोटी त हम्‍ही चियै। जे कोइ यि रोटी खेतै, से कोइ सबदिन जिबित रहतै। सन्‍सारके लोकसबके जिबनके लेल जे रोटी हम दैचियै, उ हमर देह चियै।”

युहन्‍ना 8:23

येसु ओइसबके कहल्‍कै, “तुसब निचाके चिही, हम त उपरके चियै। तुसब अहै सन्‍सारके चिही, महज हम त अइ सन्‍सारके नै चियै।

परेरित 10:36

तोरा थाह छौ कि येसु सबके परभु चियै। परमेस्‍वर येसु खिरिस्‍टके मारफतसे सान्‍तीके सुसमाचार इजराएली लोकसबके पठेल्‍कै।

रोमी 9:5

इजराएलीसब नाम चलल पुरखासबके बेटा-बेटीसब चियै, येसु खिरिस्‍ट सेहो अहै जातीसे जलम लेल्‍कै। उ त सब जातीसबमे राज करैबला परमेस्‍वर चियै। ओकर परसन्‍सा सबदिन हैतरहे! आमेन।

हिबरु 9:1

पहिनेके करारमे परमेस्‍वरके आराधना करैले धारमिक नियमसब राखल छेलै। सन्‍सारमे लोकसबके बन्‍याल एकटा आराधना करैबला ठाम सेहो छेलै।

१ पतरुस 3:22

येसु स्‍वरगमे गेलै आ सब स्‍वरगदुतसब, अधिकारसब आ सक्‍तीसबके बसमे कैरके परमेस्‍वरके दहिनाकात बिराजमान भेल छै।

१ युहन्‍ना 4:5

उसब सन्‍सारके भेलाके कारन सन्‍सारेके बात करैछै आ सन्‍सारेके लोकसब ओकरासबके बात सुनैछै।

परकास 19:16

ओकर बस्‍तर आ जाङमे “रजासबके रजा आ परभुसबके परभु” कैहके लिखल छेलै।