युहन्‍ना 3:21 - मध्‍य पुरविया थारू

²¹ महज सत काम करैबला लोकसब इजोतमे आबैछै आ अहिनङे ओकर करल कामसब परमेस्‍वरके इक्‍छा अनुसार चियै से निकसे देखैछै।

युहन्‍ना 3:21 ပူးပေါင်းရင်းမြစ်များ

युहन्‍ना 1:47

नथानेलेके आपन दिसन आबैत देखके येसु कहल्‍कै, “देख, उ पक्‍के इजराएली चियै, ओकरमे कोनो छलकपट नै छै।”

युहन्‍ना 3:20

दुस्‍ट काम करैबलासब इजोतके घिरना करैछै आ ओइसबके करल दुस्‍ट कामसब देखलेतै कैहके इजोतमे नै आबैछै।

युहन्‍ना 5:39

तुसब यि सोइचके धरमसास्‍तर निकसे परहैचिही कि, ओइमे अनन्‍त जिबन छै, महज एह्‍या धरमसास्‍तर हमर बारेमे गबाही दैछै।

युहन्‍ना 7:17

यदि कोइ ओकर इक्‍छा अनुसार काम करैले चाहैछै त से उ जाइन जेतै, कि हमर सिक्‍छा परमेस्‍वरसे एलछै, कि हम आपने मनसे बोलैचियै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

गलाती 6:8

जे आपन पाप स्‍वभाबके लेल रोपैछै, उ आपन पाप स्‍वभाबसे सर्‌बनासके कटनी करतै। महज जे आत्‍माके लेल रोपैछै, उ आत्‍मासे अनन्‍त जिबनके कटनी करतै।

एफिसी 5:9

कथिलेत इजोतके फल त सब किसिमके भलाइ, धारमिकता आ सत्‍यता चियै।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

फिलिप्‍पी 2:13

कथिलेकी परमेस्‍वर तोरासबमे सबदिन काम कैरते आबैछौ। उ तोरासबके ओकर असल उदेसके काम पुरा करैके मन आ सक्‍ती दुनु देतौ।

कलस्‍सी 1:29

खिरिस्‍टके महान सक्‍तीमे भर पैरके यि काम हम एकदम मेहनतसे करैचियै।

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

१ युहन्‍ना 1:6

यदि अपनासब कहैचियै कि हमसब परमेस्‍वरसङे संगती करैचियै तैयो अन्‍हारेमे चलैचियै त, अपनासब झुठ बोलैचियै आ सत्‍यतामे नै चलैचियै।

३ युहन्‍ना 1:11

पिरिय सङि, तु खराब कामके देखासेखी नै कर, बरु असल कामके देखासेखी कर। जे असल काम करैछै, उ परमेस्‍वरके बेटा-बेटी चियै आ जे अधलाह काम करैछै, उ परमेस्‍वरके नै चिन्‍हने रहैछै।

परकास 3:15

तोरासबके काम हमरा थाहछै। तुसब नै त जुर चिही नै त गरम चिही। कि त तुसब जुर कि त गरम रहतिही त असल हेतियै।