युहन्‍ना 3:18 - मध्‍य पुरविया थारू

¹⁸ ओकर उपर बिस्‍बास करैबला कोइने दोसी ठहरतै, महज ओकर उपर बिस्‍बास नै करैबलासब पहिने दोसी ठहैरगेलछै। कथिलेत उसब परमेस्‍वरके एकलौता बेटाके बिस्‍बास नै करने छै।

युहन्‍ना 3:18 ပူးပေါင်းရင်းမြစ်များ

मरकुस 16:16

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

युहन्‍ना 1:12

जेसब ओकरा सुइकार करल्‍कै आ ओकरमे बिस्‍बास करल्‍कै, तैसबके उ परमेस्‍वरके धियापुता हैके हक देल्‍कै।

युहन्‍ना 1:18

परमेस्‍वरके कोइ नै कहियो देखनेछै। महज पिताके लगमे रहैबला ओकर एकलौता बेटा ओकरा हमरासबलग परगट करने छै।

युहन्‍ना 20:31

येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

युहन्‍ना 3:16

कथिलेकी परमेस्‍वर सन्‍सारके लोकसबके एहेन परेम करल्‍कै कि उ आपन एकलौता बेटाके देल्‍कै। ओकर उपर बिस्‍बास करैबला नास नै हेतै, महज उ अनन्‍त जिबन पाबतै।

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

युहन्‍ना 6:40

कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

युहन्‍ना 6:47

“साँचोके हम तोरासबके कहैचियौ, जे बिस्‍बास करैछै, ओकरसङे अनन्‍त जिबन छै।

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

रोमी 8:34

तब के अपनासबके दन्‍ड दैले सक्‍तै? कोइ नै सक्‍तै, कथिलेत येसु खिरिस्‍ट अपनासबके लेल मरलै। ओतबे नै, परमेस्‍वर ओकरा मरलसे जियेल्‍कै आ अखुन परमेस्‍वरके दहिनाकात बैठलछै आ अपनासबके लेल परमेस्‍वरसे बिन्‍ती कैररहलछै।

हिबरु 12:25

होसियार रह, तोरासबसङे बोलैबलाके इन्‍कार नै कर। यदि अइ पिरथिबीके लोकसे देल चेताबनीके इन्‍कार करैबला भागैले नै सक्‍तै त स्‍वरगसे चेताबनी दैबलाके इन्‍कार करबिही त कनङके बाचैले सकबिही?

हिबरु 2:3

आब हमसब एहैन महान मुक्‍तीके वास्‍ता नै करबै त, अपनासब कनङके दन्‍डसे बाच्‍बै? यि मुक्‍तीके बारेमे सबसे पहिने परभु येसु आपनेसे परचार करल्‍कै आ ओकर बचन सुनैबलासब अपनासबके लेल पक्‍का परमानित कैरदेल्‍कै।

हिबरु 3:19

हमसब यि देखैचियै कि बिस्‍बास नै करलाके कारन उसब बिसरामके ठाउमे पुगैले नै सक्‍लै।

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।

१ युहन्‍ना 4:9

परमेस्‍वर अपनासबके एहेन परेम करल्‍कै कि उ आपन एक मातरे बेटाके सन्‍सारमे पठाइल्‍कै, ताकी अपनासब ओकरसे जिबन पाबेसकी।

१ युहन्‍ना 5:10

जे कोइ परमेस्‍वरके बेटामे बिस्‍बास करैछै, ओकर हिरदयमे अइ बातके साक्‍छी रहैछै। परमेस्‍वरके बिस्‍बास नै करैबला ओकरा झुठा ठहराइछै, कथिलेकी परमेस्‍वर आपन बेटाके बारेमे देल साक्‍छीके उ बिस्‍बास नै करैछै।

१ युहन्‍ना 5:12

जकरसङे परमेस्‍वरके बेटा छै, ओकरसङे जिबन छै आ जकरसङे परमेस्‍वरके बेटा नै छै ओकरसङे जिबन नै छै।