युहन्‍ना 21:22 - मध्‍य पुरविया थारू

²² येसु पतरुसके कहल्‍कै, “यदी हम नै आबैतक उ जिबिते रहे कैहके हमर इक्‍छाछै त तोरा कि हैछौ? तु हमर पछा लाग।”

युहन्‍ना 21:22 ပူးပေါင်းရင်းမြစ်များ

मतीके लिखल सुसमाचार 16:24

तकरबाद येसु आपन चेलासबके कहल्‍कै, “अदी जे कोइ हमर चेला बनैले चाहैछै त, उ आपन मनके मारौक आ आपन कुरूस बोइकके हमर पछा लागौक।

मतीके लिखल सुसमाचार 24:27

कथिलेत जनङ बिजली अकासके कोनो एक कात चम्‍कैछै त दोसरकातके अन्‍ततक इजोत देखा परैछै, अहिनङे मानबके बेटा आबैके दिनमे सबकोइ देखतै।

मतीके लिखल सुसमाचार 24:3

येसु जैतुन पहारमे बैठलबखत ओकर चेलासब आइबके चुपेसिना पुछल्‍कै, “गुरु जी, हमरासबके कहु यि बातसब कहिया हेतै? अपने दोसर बेर एबै से आ यि युगके अन्‍त हैबला चेन्‍हा कथी रहतै।”

मतीके लिखल सुसमाचार 24:44

तै खातिर तुहुसब तैयार रह, कथिलेत तुसब नै सोचलहा बखत मानबके बेटा एतौ।

मतीके लिखल सुसमाचार 25:31

येसु कहल्‍कै, “जहिया मानबके बेटा पुरे स्‍वरगदुतसङे आपन महिमामे एतै, तहिया उ आपन महिमाके सिंहासनमे बैठतै।

मतीके लिखल सुसमाचार 8:22

महज येसु ओकरा कहल्‍कै, “हमर पछा लाग, मुरदासबके ओकर आपन मुरदासबके गारैले दहै।”

मरकुस 9:1

तब येसु चेलासबके एहो कहल्‍कै, “साच्‍चे हम तोरासबके कहैचियौ, अइ ठाम ठार भेल्‍हामेसे कोनो-कोनो लोकसब परमेस्‍वरके राजके सक्‍ती सङे आबैत नै देखतै ताबे तक नै मरतै।”

युहन्‍ना 21:19

(केहैन मिरतुसे उ परमेस्‍वरके महिमा करतै कैहके संङकेत करैत येसु यि बात कहल्‍कै।) अतहेक कहैत उ ओकरा कहल्‍कै, “हमर पछा चल।”

युहन्‍ना 21:21

ओइ चेलाके देखके पतरुस येसुके पुछल्‍कै, “परभु, अकरा कि हेतै?”

१ कोरन्‍थी 11:26

जहिया-जहिया तुसब यि रोटी खेब्‍ही आ अइ बाटीसे पिब्‍ही, परभु नै आबेतक ओकर मिरतुके परचार करबिही।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

१ थेसलोनिकी 2:19

जब अपनासबके परभु येसु एतै, ओइ बखत ओकर अगा अपनासबके आसा, आनन्‍द आ घमन्‍डके मुकुटमे गर्‌भ करैबला कथी हेतै? कि यि तुहेसब नै चिही त?

याकुब 5:7

अहै खातिर हे भाइ-भैयासब, परभु नै आबैतलिक धिरज धैरके रह। देख, खेति-किसानी करैबला अगिल्‍का आ पछिल्‍का बरखा नै है तलिक धिरज धैरके कनङ जमिनसे बहुमुल्‍य उबजनीके लेल असियाल रहैछै।

याकुब 5:8

तहिनङे तुहुसब धिरज राख, हिम्‍मत नै हार। कथिलेकी परभुके आबैबला दिन लगचिया गेलछै।

परकास 1:7

देख, उ बादलमे आइबरहलछै आ हरेक लोक ओकरा देख्‍तै, उहोसब देख्‍तै जेसब ओकरा भालासे भोक्‍ने छेलै। सन्‍सारके सब जातीके लोक ओकर कारन बिलाप करतै। पक्‍का ओहिने हेतै। आमेन!

परकास 2:25

महज जाबेतक हम नै एबौ ताबेतक तुसब आपन बिस्‍बासमे अरल रह।

परकास 22:20

यि बातके गबाही दैबला कहैछै, “साँचोके हम जल्‍दिए आइबरहल चियौ।” आमेन। आबु, हे परभु येसु!

परकास 22:7

“देख, हम जल्‍दिए आइबरहल चियौ। धैनके चियै उ, जे यि किताबमे लिखल अगमबानीके बचन पालन करैछै।”

परकास 3:11

हम जल्‍दिए आइबरहल चियौ। तोहरमे भेल बिस्‍बासके बचाके राख ताकी कोइ नै तोरासे बिजयके मुकुट छिनके लेबे।