युहन्‍ना 21:17 - मध्‍य पुरविया थारू

¹⁷ येसु फेनसे तेसर बेर पतरुसके पुछल्‍कै, “ऐ युहन्‍नाके बेटा सिमोन, कि तु हमरा परेम करैचिही?” सिमोन पतरुसके मनमे चोट लाग्‍लै कथिलेकी येसु तिनचोटी “कि तु हमरा परेम करैचिही?” कैहके पुछल्‍कै। सिमोन ओकरा कहल्‍कै, “परभु, अहाँ त सब जान्‍बे करैचियै। अहाँ जानैचियै कि हम अहाँसे परेम करैचियै।” येसु ओकरा कहल्‍कै, “हमर भेंरासबके चरा।”

युहन्‍ना 21:17 ပူးပေါင်းရင်းမြစ်များ

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

मरकुस 14:72

तहै बखत मुरगा दोसर बेर डाँक देल्‍कै। तब येसुके कहल बचन मनमे याद एलै, “दुइ बेर मुरगा डाँक दैसे पैहने तु हमरा तिन बेर इन्‍कार करबिही।” तब पतरुस हेकैच-हेकैचके काने लाग्‍लै।

युहन्‍ना 12:8

गरिबसब त सबदिन तोरेसबसङे रहतौ, महज हम त सबदिन नै रहबौ।”

युहन्‍ना 13:38

तब येसु जबाफदैत कहल्‍कै, “कि तु हमर लेल जानो द्‍यादेब्‍ही? साँचोके हम तोरा कहैचियौ, बिहान मुरगा डाँक दैसे पहिने तु हमरा तिन बेर इन्‍कार करबिही!”

युहन्‍ना 14:15

“यदी तुसब हमरा परेम करैचिही त हमर देल आग्‍यासबके मानबिही।

युहन्‍ना 15:10

जनङ हम आपन पिताके आग्‍यापालन करनेचियै आ ओकर परेममे रहैचियै, तहिनङे तुहुसब हमर आग्‍यापालन करबिही त हमर परेममे रहबिही।

युहन्‍ना 16:30

आब हमसब जाइन गेलियै, कि अहाँ सब बात जानैचियै। आब अहाँसे ककरो नै कोनो सबाल करे परतै। अहै कारन हमसब अहाँमे बिस्‍बास करैचियै, कि अहाँ परमेस्‍वरसे पठ्‍याल चियै।”

युहन्‍ना 18:27

तब पतरुस फेनो इन्‍कार करल्‍कै, तखुन्‍ते मुरगा डाँक देल्‍कै।

युहन्‍ना 18:4

आपन उपर आबैबला सब बात येसुके थाह छेलै, तैल्‍याके अगा ज्‍याके उसबके पुछल्‍कै, “तुसब ककरा ताकैचिही?”

युहन्‍ना 21:18

हम तोरा साँचेके कहैचियौ, जब तु जबान छेल्‍ही तब तु आपन गम्‍छा आपनेसे कसै छेल्‍ही, जते मन लागैछेलौ ओते जाइ छेल्‍ही। महज जब तु बुढ हेब्‍ही तब तु आपन हाथ पसारबिही आ दोसरकोइ तोहर डारमे गम्‍छा बाइन्‍हदेतौ आ तोरा जते जाइले मन नै लाग्‍तौ ओते ल्‍याजेतौ।

युहन्‍ना 4:16

तब येसु कहल्‍कै, “जो आ तोहर घरबलाके बोल्‍याके अते आन।”

परेरित 1:24

तखुन उसब अनङ परथना करल्‍कै, “सबलोकके हिरदयके बात जानैबला परभु, यि दुइ गोरा मेसे अहाँ ककरा चुनने चियै से हमरासबके देखाबु,

परेरित 11:10

तिन बेर अहिनङ भेलै, तकरबाद फेनो उ सबचिज स्‍वरग दिसन उठाके लजाइत देखलियै।

परेरित 15:8

मनके बात जानैबला परमेस्‍वर ओकरोसबके आपनेसब जखा पबितर आत्‍मा द्‍याके अहै बातके परमान देल्‍कै कि उ ओकरोसबके सुइकार करल्‍कै।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

एफिसी 4:30

परमेस्‍वरके पबितर आत्‍माके दुखी नै बना, कथिलेत पबितर आत्‍मा तोरासबके छुटकाराके दिनके खातिर भेटल छाप चियौ।

१ पतरुस 1:6

यि तोरासबके लेल बहौत खुसीके बात चियौ, ओनङ त, अखैन कुछ समयके लेल तरासबके बहौत परकारके कस्‍ट भोगेपरल छौ।

२ पतरुस 3:1

हे हमर पिरियसब, यि तोरासबके लेल लिखल दोसर चिठी चियौ। यि दुनु चिठीमे कतहेक बात सम्‍झना कराके तोरासबके ठिकसे बिचार करैके लेल उत्‍साहित करैले कोसिस करनेचियौ।

परकास 2:23

ओकर पछा लागैबला बेटा-बेटीसबके हम खतम करबै। तब सब मन्‍डलीसब थाह पाबतै कि हम वहे चियै जे सबके मन आ हिरदयके जाँच करैचियै। हम तोरासबके काम अनुसारके इनाम देबौ।

परकास 3:19

जकरा हम परेम करैचियै, तकरा डाटै चियै आ सजाय द्‍याके सुधारैचियै। साच्‍चेके पाप करैले छोर आ हमरलग या।