युहन्‍ना 20:31 - मध्‍य पुरविया थारू

³¹ येसु परमेस्‍वरके बेटा, मुक्‍ती दैबला खिरिस्‍ट चियै कैहके बिस्‍बास कर आ बिस्‍बासके कारन ओकर नाममे तुसब जिबन पाबबिही कैहके यि सब बात अइ किताबमे लिखलगेल छै।

युहन्‍ना 20:31 ပူးပေါင်းရင်းမြစ်များ

मतीके लिखल सुसमाचार 16:16

सिमोन पतरुस जबाफ देल्‍कै, “अहाँ त खिरिस्‍ट चियै, जिबित परमेस्‍वरके बेटा।”

मतीके लिखल सुसमाचार 27:54

रोमी कप्‍तान आ ओकरजरे येसुके ओगरैबला सिपाहीसब भुमकौन आ यि घटनासब देखके बहौत डेरेलै आ कैह उठलै कि, “साँचोके यि त परमेस्‍वरके बेटा रहै।”

मतीके लिखल सुसमाचार 4:3

तहै बखत सैतान ओकरलग आइबके कहल्‍कै, “साँचोके तु परमेस्‍वरके बेटा चिही त यि पथलसब रोटी भ्‍याजो कैहके आग्‍या कर।”

मरकुस 16:16

बिस्‍बास करैबला आ बप्‍तिस्‍मा लैबलासब उदार पाबतै। महज बिस्‍बास नै करैबलासब दोसी ठहरतै।

लुका 1:35

स्‍वरगदुत ओकरा जबाफ देल्‍कै, “पबितर आत्‍मा तोहर उपरमे एतौ आ महान परमेस्‍वरके सक्‍तिके छाह तोहरमे परतौ। तैल्‍याके जल्‍मैबला बच्‍चा पबितर हेतै आ उ परमेस्‍वरके बेटा कहाइतै।

लुका 1:4

जे कि अहाँके सिखेल्‍हा बातसबके सत्‍यता अहाँ बुइझसक्‍बै।

लुका 24:47

तब यरुसलेमसे सुरु कैरके सब जातीसबके ओकर नाममे पस्‍चाताव आ पाप छमाके परचार हैलेपरतै।

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

युहन्‍ना 10:10

चोर त चोराइले, मारैले आ नास करैके लेल मातरे आबैछै। महज हम त लोक जिबन पाबे आ उ भरपुर कैरके पाबे कैहके एलियै।

युहन्‍ना 19:35

जे कोइ यि घटना देखल्‍कै से कोइ ओकर गबाही देनेछै आ ओकर गबाही सत छै। उ जानैछै कि उ सत बोलैछै ताकि तुसब बिस्‍बास कर।

युहन्‍ना 20:28

थोमा कहल्‍कै, “हे हमर परभु, हमर परमेस्‍वर!”

युहन्‍ना 3:18

ओकर उपर बिस्‍बास करैबला कोइने दोसी ठहरतै, महज ओकर उपर बिस्‍बास नै करैबलासब पहिने दोसी ठहैरगेलछै। कथिलेत उसब परमेस्‍वरके एकलौता बेटाके बिस्‍बास नै करने छै।

युहन्‍ना 3:36

जे कोइ परमेस्‍वरके बेटामे बिस्‍बास करैछै, ओकरसङे अनन्‍त जिबन छै। जे कोइ परमेस्‍वरके बेटाके नै मानैछै, से कोइ अनन्‍त जिबन नै पाबतै महज ओकर उपर परमेस्‍वरके करोध परतै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

युहन्‍ना 6:40

कथिलेत हमर पिताके इक्‍छा यि चियै, कि बेटाके ताकैबला आ ओकरा बिस्‍बास करैबला सबकोइ अनन्‍त जिबन पाबे। हम ओकरा अन्‍तके दिनमे मरलसे जिबित करबै।”

परेरित 10:43

सब अगमबक्‍तासब येसुके बारेमे गबाही देनेछै, जे कोइ ओकर उपर बिस्‍बास करतै ओइसबके पाप ओकर नाममे छमा हेतै।”

परेरित 3:16

येसुके सक्‍तिसे आ ओकर नाममे बिस्‍बास करलासे यि लोक निक भेलै जकरा देखरहलचिही आ चिन्‍हबो करैचिही। येसुमे करल बिस्‍बासके कारन यि लोक तोरौरके सबके सामने निक भेलौ।

परेरित 8:36

उसब रस्‍तामे जाइते-जाइते पानी भेल ठाममे पुग्‍लै। उ मुन्‍सी कहल्‍कै, “देखु, अते पानी छै, आब हमरा बप्‍तिस्‍मा लैले कोन चिज रोके सक्‍तै?”

परेरित 8:37

[फिलिप जबाब देल्‍कै, “यदी अहाँ पुरा मनसे बिस्‍बास करैचियै त बप्‍तिस्‍मा ल्‍यासकैचियै।” उ कहल्‍कै, “हम बिस्‍बास करैचियै जे येसु खिरिस्‍टे परमेस्‍वरके बेटा चियै।”]

परेरित 9:20

तब उ तुरन्‍ते सभाघरसबमे ज्‍याके परचार करे लाग्‍लै, “येसुवे परमेस्‍वरके बेटा चियै।”

१ पतरुस 1:9

कथिलेत तुसब ओकर उपर बिस्‍बास करलासे तुसब आत्‍माके मुक्‍ती पाबनेचिही।

१ युहन्‍ना 4:15

येसुवे परमेस्‍वरके बेटा चियै कैहके सुइकार करैबला लोकमे परमेस्‍वर बास करैछै आ उ लोक परमेस्‍वरमे बास करैछै।

१ युहन्‍ना 5:1

जे कोइ येसुवे खिरिस्‍ट चियै कैहके बिस्‍बास करैछै, उ सबलोक परमेस्‍वरके बेटा-बेटी चियै। जे कोइ पिताके परेम करैछै से कोइ ओकर बेटाके सेहो परेम करैछै।

१ युहन्‍ना 5:20

अपनासब जानैचियै कि परमेस्‍वरके बेटा आइबगेल छै आ सत परमेस्‍वरके चिन्‍हैले उ अपनासबके समझसक्‍ती देने छै। हमसब ओकर बेटा येसु खिरिस्‍टमे भेलासे सत परमेस्‍वरमे चियै। ओह्‍या सत परमेस्‍वर आ अनन्‍त जिबन चियै।

२ युहन्‍ना 1:9

खिरिस्‍टके सिक्‍छासे बाहर जाइबला लोकसङे परमेस्‍वर नै रहैछै, महज ओकर सिक्‍छामे चलैबला लोकसङे परमेस्‍वर पिता आ बेटा दुनु रहैछै।

परकास 2:18

“थिआटिरा मन्‍डलीके देख-भाल करैबला दुतके यि लिख, ‘आइग जखा बरैबला आँख आ खाइरके चम्‍कैबला काँस जखा टाङ भेल परमेस्‍वरके बेटा अनङ कहल्‍कै,