युहन्‍ना 20:30 - मध्‍य पुरविया थारू

³⁰ येसु औरो बहुतो अजगुतके कामसब आपन चेलासबके अगामे करल्‍कै, जे बात अइ किताबमे नै लिखलगेल छै।

युहन्‍ना 20:30 ပူးပေါင်းရင်းမြစ်များ

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 21:25

औरो बहुतो कामसब येसु करल्‍कै। यदी ओकर करल सबकाम एक एक कैरके लिख्‍तै त हमरा लागैये कि ओकर बारेमे लिखल किताब सन्‍सारेमे नै अटतै।

युहन्‍ना 6:2

लोकसबके बरका भिर येसुके पछा-पछा जाइलेलाग्‍लै, कथिलेत रोगी-बिमारीसबके उपर करलहा येसुके अचमके कामसब उसब देखने रहै।

रोमी 15:4

पबितर धरमसास्‍तरमे पहिने लिखल बातसब अपनासबके सिक्‍छा दैकेलेल छेलै। धरमसास्‍तरमे भेल बातसे अपनासबके सहैबला सक्‍ति आ हौसला दैछै ताकी अपनासबके आसा बनल रहे।

१ कोरन्‍थी 10:11

यि सब घटनासब अपनासबके खातिर उदाहरन हेबे कैहके अपनासबके चेताबनीके लेल लिखल गेलै। आब हमसब अइ सन्‍सारके अन्‍तके समयमे आइबगेल चियै।

१ युहन्‍ना 5:13

तुसब परमेस्‍वरके बेटाके नाममे बिस्‍बास करैबलासबके हम यि चिठी लिखैचियौ, ताकी तुसब अनन्‍त जिबन पाबनेचिही कैहके थाह हेबे।