युहन्‍ना 20:27 - मध्‍य पुरविया थारू

²⁷ तब येसु थोमाके कहल्‍कै, “तोहर औङरी अते राख आ हमर हाथ देख। हमर कोइखमे आपन हाथ ढुका। तु सङका नै कर बरु बिस्‍बास कर।”

युहन्‍ना 20:27 ပူးပေါင်းရင်းမြစ်များ

मतीके लिखल सुसमाचार 17:17

तब येसु जबाफ देल्‍कै, “ऐ बिस्‍बास नै करैबला आ दुस्‍ट पुस्‍ता, हम कहियातक तोरासबके सङे रहबौ? कहियातक तोरासबके कमजोर बिस्‍बासके सहैत रहबौ? ओकरा अते हमरलग आन।”

मरकुस 9:19

तब येसु ओकरासबके कहल्‍कै, “ए थेथर पुस्‍ता, कहियातक हम तोरासबके बिचमे रहबौ? कहियातक बिस्‍बासमे कमजोरे रहबिही? तोहर बेटाके हमरलग आन।”

लुका 24:39

हमर हाथ-टाङसब देख, हम्‍ही चियौ, हमरा छुइबके देख! कथिलेत भुतके हड्‍डी-मौस नै रहैछै महज तुसब त देखैचिही, हमर त छै।”

लुका 24:40

एहेन कैहके उ आपन हाथ-टाङसब देखेल्‍कै।

लुका 9:41

तब येसु जबाफ देल्‍कै, “ऐ बिस्‍बास नै करैबला आ थेथर पुस्‍ता, हम कहियातक तोरासबसङे रहबौ आ तोरासबके कतेक दिनतक सहैत रहबौ? तोहर बेटाके अते आन।”

युहन्‍ना 20:20

अतेक कहैत येसु आपन हाथ आ कोइख चेलासबके देखेल्‍कै। उसब परभुके देखके बहुत खुसी भेलै।

युहन्‍ना 20:25

औरो चेलासब थोमाके कहल्‍कै, “हमसब परभुके देखलियै।” महज थोमा कहल्‍कै, “जबतक हम ओकर हाथमे ठोकल काटीके चेख नै देख्‍बौ आ कांटी ठोकल खाइधमे औङरी नै ढुकाइबै आ ओकर कोइखमे आपन हाथ नै ढुकाइबै ताबे तलिक हम बिस्‍बास नै करबौ।”

युहन्‍ना 20:28

थोमा कहल्‍कै, “हे हमर परभु, हमर परमेस्‍वर!”

रोमी 5:20

लोकसब अपना कतहेक पाप करनेचियै से जानैके लेल परमेस्‍वर ओकरासबके बेबस्‍था देल्‍कै। लोकसबके पाप जतहेक बरहैत गेलै परमेस्‍वरके अनुगरह ओतहेक बेसिसे बरहैत गेलै।