युहन्‍ना 20:17 - मध्‍य पुरविया थारू

¹⁷ येसु ओकरा कहल्‍कै, “हमरा नै छु, कथिलेत अखुनतक हम पिताके लग उपर नै गेल चियै। बरु हमर भाइसबलग ज्‍याके ओकरासबके कैहदहै कि हम आपन पिता आ तोरासबके पिता, आपन परमेस्‍वर आ तोरासबके परमेस्‍वर लग उपर ज्‍यारहल चियै।”

युहन्‍ना 20:17 ပူးပေါင်းရင်းမြစ်များ

मतीके लिखल सुसमाचार 12:50

कथिलेत जे स्‍वरगमे रहैबला परमेस्‍वर पिताके इक्‍छा पालन करैछै, उहे हमर माँ आ हमर भाइ आ हमर बहिन चियै।”

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

मतीके लिखल सुसमाचार 28:7

झटसिना ज्‍याके ओकर चेलासबके यि समाचार सुना दहै जे, ‘उ मुरदासे जिके उठल छै आ उ तोरासबसे अगा अगा गालिलमे ज्‍यारहल छौ। ओतै तोरासबके भेट हेतौ।’ से बात तोरासबके कैहैचियौ।”

मरकुस 12:26

कि तुसब जि उठैके बारेमे मोसाके किताबमे नै पढनेचिही? से बात जरैत पोथराके घटनामे परमेस्‍वर मोसाके कहल्‍कै, ‘हम अबराहमके परमेस्‍वर, इसहाकके परमेस्‍वर आ याकुबके परमेस्‍वर चियौ।’

मरकुस 16:19

तकरबाद परभु येसु ओइसबसङे बोइल लेलाकेबाद स्‍वरग दिसन उठ्‍यालगेलै आ परमेस्‍वरके देहनाकात बैठलै।

लुका 10:4

तुसब रस्‍ताके लेल कुछो नै लेजाइजो। नै पैसाके थैली, नै झोरा, नै जुता बोक आ रस्‍तामे ककरो गोरलगीयो नै करिहे।

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 13:3

येसु जानैछेलै कि पिता हमर हाथमे सबचिज देनेछै आ हम परमेस्‍वरसे एलचियै आ परमेस्‍वर लग ज्‍यारहल चियै।

युहन्‍ना 14:2

हमर पिताके घरमे बहौत रहैबला ठामसब छै आ हम तोरासबके लेल रहैबला ठामसब तयार करैले जाइचियौ। यदी तेहन नै रहतियै त हम तोरासबके यि बात कहबे नै करतियौ।

युहन्‍ना 14:28

‘हम अतेसे ज्‍यारहल चियै आ फेनो तोरेसबलग घुइमके एबौ’ कैहके कहल हमर बात त तुसब सुन्‍बे करनेचिही। यदी तुसब हमरा परेम करतिही त, हम पितालग ज्‍यारहल चियै से सुइनके तुसब खुसी हेत्‍ही, कथिलेकी पिता हमरसे महान छै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

युहन्‍ना 16:28

हम पितालगसे सन्‍सारमे एलचियै, आब फेनो सन्‍सार छोइरके पितालग घुइमके ज्‍यारहल चियै।”

युहन्‍ना 17:11

आब हम सन्‍सारमे नै रहबै, महज उसब त सन्‍सारेमे रहतै आ हम अहाँके लग आइबरहल चियै। हे पबितर पिता, अहाँ आपन नामके सक्‍तिसे एकरासबके रक्‍छा करु, जे नाम अहाँ हमरा देलियै, ताकि ओहोसब हम आ अहाँ एक भ्‍याल जखा एक हेबे।

युहन्‍ना 17:25

“हे धारमिक पिता, सन्‍सारके लोकसब अहाँके नै जानैछै, महज हम अहाँके जानैचियै आ अहाँ हमरा पठाइनेचियै कैहके यि चेलासब जानैछै।

युहन्‍ना 17:5

हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

युहन्‍ना 20:27

तब येसु थोमाके कहल्‍कै, “तोहर औङरी अते राख आ हमर हाथ देख। हमर कोइखमे आपन हाथ ढुका। तु सङका नै कर बरु बिस्‍बास कर।”

युहन्‍ना 7:33

तब येसु कहल्‍कै, “हम कुछदेर तक मातरे औरो तोरासबसङे रहबौ, तकरबाद हमरा पठाइबला लग जेबौ।

रोमी 8:29

परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

२ कोरन्‍थी 6:18

हम तोरासबके पिता हेबौ आ तुसब हमर बेटा-बेटी हेब्‍ही कैहके सबरसक्‍तीमान परमपरभु कहैछै।”

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।

हिबरु 11:16

महज उसब त ओहौसे सुन्‍दर, अरथात एकटा स्‍वरगके देसके इक्‍छा करने छेलै। अहैलेल परमेस्‍वर “हम ओइसबके परमेस्‍वर हेबै” कहैले नै लजाइछै, कथिलेकी ओइसबके लेल एकटा सहर तयार करने छै।

हिबरु 8:10

परमपरभु कहैछै, ‘आबैबला दिनमे हम इजराएलके लोकसबसङे यि करार बान्‍हबै। तोरासबके मनमे हम आपन बेबस्‍था राइखदेबौ, तोरासबके हिरदयमे उ लिखदेबौ। हम तोरासबके परमेस्‍वर हेबौ आ उसब हमर लोक हेतै।’

१ पतरुस 1:3

परमेस्‍वर आ अपनासबके परभु येसु खिरिस्‍टके पिताके महिमा हेबे। ओकर महान दयासे हमसब लया जलम पाबनेचियै। उ लया जलम येसु खिरिस्‍टके पुनरुथानसे हमसब पाबनेचियै। ओहैसे अपनासबके जिबित आसा यि चियै कि,

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

परकास 21:3

तब हम सिंहासनसे एहेन कहल एकटा बरका अबाज सुनलियै, “देख, परमेस्‍वरके बास लोकसबसङे भेल छै। परमेस्‍वर ओइसबसङे बास करतै आ उसब ओकर लोकसब हेतै। परमेस्‍वर आपने ओइसबके परमेस्‍वर भ्‍याके ओकरासबसङे रहतै।

परकास 21:7

जे कोइ जित्‍तै, उ यि सब अधिकार पाबतै। तब हम ओकर परमेस्‍वर हेबै आ उ हमर बेटा हेतै।