युहन्‍ना 20:15 - मध्‍य पुरविया थारू

¹⁵ येसु ओकरा कहल्‍कै, “ऐ बहिन, तु कथिले कानैचिही? ककरा ताकैचिही?” मरियम ओकरा फुलबारीके माली हेतै कैहके कहल्‍कै, “हजुर, अहाँ परभुके अतेसे ल्‍यागेल चियै त हमरा कैह दिय कि कते राखने चियै। हम ओकरा ल्‍याजेबै।”

युहन्‍ना 20:15 ပူးပေါင်းရင်းမြစ်များ

मतीके लिखल सुसमाचार 12:34

ए बिखधर साँपके बच्‍चासब! तुसब आपने दुस्‍ट चिही त, कनङके असल बात बोले सकबिही? कथिलेत मनके भितरमे जे बात रहैछै स्‍याहा बात मुहसे निकलैछै।

मतीके लिखल सुसमाचार 28:5

तब स्‍वरगदुत ओइ जनिसबके कहल्‍कै, “नै डरा, हमरा मालुम छै कि तुसब कुरूसमे टाइङके मारल येसुके खोजै चिही।

मरकुस 16:6

महज उ लोक ओकरासबके कहल्‍कै, “नै डेरा! तुसब कुरूस पर लटक्‍याल नासरतके येसुके खोजैचिही नै? उ त जिके उठल छौ आ अते नै छौ। ओकरा राखल ठाममे देख!

लुका 2:44

येसु औरो सङिसबसङे छै, बिचार कैरके उसब दिनभैरके रस्‍ता पैदल चइलके गेलै। साँझ परलाके बाद सङी-साथी आ कर-कुटुमके बिचमे ओकरा खोजे लाग्‍लै।

लुका 24:5

तब उ जनिजाइतसब डरसे आपन-आपन मुरी तरमाथे गोइतलेल्‍कै, महज उ दुनु लोक ओइसबके कहल्‍कै, “तोरौरके जिते लोकके कथिले मरल लोकसबके बिचमे ताकैचिही?

युहन्‍ना 1:38

येसु पछामाथे घुइमके ताकल्‍कै त ओइसबके आपन पछा लागल देखके पुछल्‍कै, “तुसब कथी ताकैचिही?” उसब जबाब देल्‍कै, “रब्‍बी, (जकर अरथ गुरु जी चियै) अहाँ कते रहैचियै?”

युहन्‍ना 18:4

आपन उपर आबैबला सब बात येसुके थाह छेलै, तैल्‍याके अगा ज्‍याके उसबके पुछल्‍कै, “तुसब ककरा ताकैचिही?”

युहन्‍ना 18:7

तब येसु फेनो उसबके पुछल्‍कै, “तुसब ककरा ताकैचिही?” उसब कहल्‍कै, “नासरतके येसुके।”

युहन्‍ना 20:13

उसब मरियमके पुछल्‍कै, “ऐ बहिन, तु कथिले काइनरहल चिही।” मरियम ओइसबके जबाब देल्‍कै, “उसब हमर परभुके उठ्‍याके ल्‍यागेलै आ कते घोसाइरके राखनेछै से हम नै जानैचियै।”