युहन्‍ना 2:4 - मध्‍य पुरविया थारू

⁴ यि बात सुइनके येसु कहल्‍कै, “माँ, हमरा तु यि बात कथिले कहैचिही? हमर काम करैबला समय अखुन नै एलछै।”

युहन्‍ना 2:4 ပူးပေါင်းရင်းမြစ်များ

मतीके लिखल सुसमाचार 15:28

तब येसु ओकरा जबाब देल्‍कै, “ए जनि, तोहर बिस्‍बास बहौत बरका छौ। जैहनङ तु चाहैचिही तैहनङ तोहर लेल हेबे।” तखुन्‍ते ओकर बेटी निक भ्‍यागेलै।

मतीके लिखल सुसमाचार 8:29

उसब चिच्‍याके कहल्‍कै, “हे परमेस्‍वरके बेटा, हमरासबसे अहाँके कोन काम? कि समयसे पहिने अहाँ हमरासबके सताबैले एलचियै?”

लुका 2:49

येसु जबाफ देल्‍कै, “तुसब हमरा कथिले खोजैचिही? हम आपन पिताके घरमे रहे परतै से बात तोरासबके थाह नै छेलौ?”

युहन्‍ना 12:23

येसु ओइसबके कहल्‍कै, “मानब बेटाके महिमा परगट हैबला समय आइबगेल छै।

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 2:3

बियाहेके दिन अङगुरके मध ओरेलाकेबाद येसुके माँ ओकरे कहल्‍कै, “अङगुरके मध त ओरागेल!”

युहन्‍ना 20:13

उसब मरियमके पुछल्‍कै, “ऐ बहिन, तु कथिले काइनरहल चिही।” मरियम ओइसबके जबाब देल्‍कै, “उसब हमर परभुके उठ्‍याके ल्‍यागेलै आ कते घोसाइरके राखनेछै से हम नै जानैचियै।”

युहन्‍ना 20:15

येसु ओकरा कहल्‍कै, “ऐ बहिन, तु कथिले कानैचिही? ककरा ताकैचिही?” मरियम ओकरा फुलबारीके माली हेतै कैहके कहल्‍कै, “हजुर, अहाँ परभुके अतेसे ल्‍यागेल चियै त हमरा कैह दिय कि कते राखने चियै। हम ओकरा ल्‍याजेबै।”

युहन्‍ना 7:30

तैखातिर उसब येसुके पकरैले ताकैछेलै, महज कोइ नै ओकर उपरमे हाथ लगाइल्‍कै। कथिलेत ओकर समय अखुन तलिक नै एलछेलै।

युहन्‍ना 7:6

तब येसु उसबके कहल्‍कै, “हमर लेल अखुनोतक ओते जाइले उचित समय नै एलछै। महज तोरासबके लेल कोनोभी समय उचितछौ।

युहन्‍ना 7:8

तुसब पाबैन मनाइले जो, अखुन अइ पाबैनमे हम नै जेबौ, कथिलेत हमर समय अखुन नै एलछै।”

युहन्‍ना 8:20

येसु यि बात मन्‍दिरमे भेटी चरहाबैबला बाकसके लगमे सिक्‍छा दैतकाल कहने छेलै। तैयो ओकरा कोइने पकरल्‍कै, कथिलेकी ओकर समय नै एलछेलै।

२ कोरन्‍थी 5:16

अहैलेल आबसे हमसब ककरो लोकके दिरिस्‍टीसे नै देखब। हमसब खिरिस्‍टके एक समय लोकके दिरिस्‍टीसे देखै छेलियै महज आबसे ओकरा हमसब ओनङके नै देख्‍बै।