युहन्‍ना 2:23 - मध्‍य पुरविया थारू

²³ जब येसु निस्‍तार पाबैनके बखत यरुसलेममे छेलै, तै बखत बहौत लोकसब ओकर अजगुतके कामसब देखके उसब ओकरमे बिस्‍बास करल्‍कै।

युहन्‍ना 2:23 ပူးပေါင်းရင်းမြစ်များ

लुका 8:13

पथलबला जमिनमे परलाहा उसब चियै, जे परमेस्‍वरके बचन सुइनके खुसिसाथ गरहन करैछै महज ओकर सिर नै हैके कारन ओकरासबके बिस्‍बास कुछ समयके लेल मातर हैछै। परिक्‍छाके बखत ओकरासबके पतन हैछै।

युहन्‍ना 11:45

तब येसुके करल यि काम देखके मरियमके भेटैले एल यहुदी लोकसबमेसे बहुतो लोक ओकरा बिस्‍बास करल्‍कै।

युहन्‍ना 2:11

अहिनङे येसु सबसे पहिन्‍का अजगुतके काम गालिल परदेसके (परगना) काना सहरमे करल्‍कै। उ आपन महिमा परगट करल्‍कै, तब ओकर चेलासब ओकर उपर बिस्‍बास करल्‍कै।

युहन्‍ना 2:13

यहुदीसबके निस्‍तार पाबैन लगच्‍या गेल छेलै। तहै समयमे येसु यरुसलेम गेलै।

युहन्‍ना 3:2

राइतमे उ येसु लग आइबके कहल्‍कै, “गुरु जी, अहाँ परमेस्‍वरके पठाल गुरु चियै से हमसब जानैचियै, कथिलेत अहाँके करल अजगुतके कामसब जखा कोनो लोक परमेस्‍वरके सहायता बेगर करैले नै सक्‍तै।”

युहन्‍ना 4:45

गालिलीसब यरुसलेम गेलछेलै, जब येसु गालिलमे गेलै तब गालिलीसब ओकरा स्‍वागत-सत्‍कार करल्‍कै, कथिलेत ओकर करलहा कामसब ओते निस्‍तार पाबैनमे देखनेछेलै।

युहन्‍ना 5:36

“महज युहन्‍नाके देल गबाहीयोसे बरका गबाही हमरलग छै। कथिलेत जे काम पुरा करैके लेल पिता हमरा देने छै, उ काम हम करैचियै आ ओह्‍या कामसब हमर बारेमे गबाही दैछै कि, पिते हमरा पठाइने छै।

युहन्‍ना 6:14

तब उ लोकसब येसुके करल अजगुतके काम देखके कहेलाग्‍लै, “अपनासबके आस करल सन्‍सारमे आबैबला अगमबक्‍ता साँचोके एह्‍या चियै।”

युहन्‍ना 6:2

लोकसबके बरका भिर येसुके पछा-पछा जाइलेलाग्‍लै, कथिलेत रोगी-बिमारीसबके उपर करलहा येसुके अचमके कामसब उसब देखने रहै।

युहन्‍ना 7:31

तैयो भिरके बहुतो लोकसब ओकर उपर बिस्‍बास करल्‍कै। तब उसब कहल्‍कै, “जब खिरिस्‍ट एतै, तब कि उ यि लोकके करलहासे बेसी अजगुतके कामसब करतै?”

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

१ युहन्‍ना 3:23

ओकर आग्‍या एह्‍या चियै कि हमसब परमेस्‍वरके बेटा येसु खिरिस्‍टके नाममे बिस्‍बास करनाइ आ ओकर देल आग्‍या अनुसार एक-दोसरके परेम करनाइ चियै।