युहन्‍ना 19:30 - मध्‍य पुरविया थारू

³⁰ तब येसु उ पिके कहल्‍कै, “आब पुरा भेलै।” तकरबाद उ आपन मुरी तर कैरके परान तियाइग देल्‍कै।

युहन्‍ना 19:30 ပူးပေါင်းရင်းမြစ်များ

मतीके लिखल सुसमाचार 20:28

तैहनङे मानबोके बेटा दोसरसे सेबा लैले नै, महज सेबा करैले आ बहौत लोकसबके पापसे छुटकारा दैके खातिर आपन परान दैले एलछै।”

मतीके लिखल सुसमाचार 27:50

येसु फेनो जोरसे चिच्‍याके आपन परान छोरल्‍कै।

मतीके लिखल सुसमाचार 3:15

तब येसु युहन्‍नाके कहल्‍कै, “अखुन अहिनङे हेबे दियौ। कथिलेत अपनासबके खातिर एह्‍या उचित छै जे अहिनङे सब धारमिकताके पुरा करे परतै।” तब युहन्‍ना ओकर बात मानैले राजी भेलै।

मरकुस 15:37

तब येसु बरका अबाज निकाइलके आपन परान छोइरदेल्‍कै।

लुका 22:37

हम तोरासबके कहैचियौ, ‘उ अपराधीसबसङे गनल गेलै’ यि पबितर धरमसास्‍तरमे लिखलाहा बातसब हमरमे पुरा हेबैये परतै। कथिलेत हमर बारेमे लिखल बातसब पुरा भ्‍यारहलछै।”

लुका 23:46

तब येसु जोर-जोरसे कहल्‍कै, “हे पिता, हम आपन आत्‍मा अहाँके हाथमे सोपै चियै!” अतेक कैहके ओकर परान छुइट गेलै।

युहन्‍ना 10:11

“असल चरबाह हम्‍ही चियै। असल चरबाह त आपन भेंरासबके लेल आपन परानो दैले पछा नै हटैछै।

युहन्‍ना 10:18

कोइने हमर परान हमरासे लैले सक्‍तै, महज हम आपने राजिखुसीसे दैचियै। आपन परान दैके अधिकार हमरेसङे छै आ फेनो ओकरा लैयोके अधिकार छै। एह्‍या आग्‍या हम आपन पितासे पाबनेचियै।”

युहन्‍ना 17:4

अहाँ जे काम करैले हमरा जिमा देनेछेलियै, से काम पुरा कैरके पिरथिबीमे हम अहाँके महिमा करनेचियै।

युहन्‍ना 19:28

जब येसु सबकाम पुरा भेलै कैहके थाह भेलै से जाइनके पबितर धरमसास्‍तर पुरा हैके उदेस्‍यसे “हमरा पियास लाग्‍लै” कहल्‍कै।

युहन्‍ना 4:34

येसु ओइसबके कहल्‍कै, “हमर खाइबला चिज यि चियै, जे हम आपन पठाबैबलाके इक्‍छा बमोजिम करनाइ आ ओकर काम पुरा करनाइ चियै।

रोमी 10:4

कथिलेत येसु खिरिस्‍ट बेबस्‍थाके पुरा करल्‍कै। आब जेसब ओकरमे बिस्‍बास करतै, उसब परमेस्‍वरके नजरमे धरमी ठहरतै।

रोमी 3:25

परमेस्‍वर येसु खिरिस्‍टके अपनासबके पापके दन्‍डसे छुटकरा दैकेलेल बलिके रुपमे अइ सन्‍सारमे पठेल्‍कै। अपनासबके लेल येसु खिरिस्‍ट आपन लहु बहेल्‍कै कैहके बिस्‍बास करैबला लोकसब धरमी ठहरैछै। यि काम परमेस्‍वर आपन धारमिकता देखाबैके लेल करल्‍कै, कथिलेत उ आपनसबके पहिने करल पापके धियान नै देल्‍कै, कारन उ बहुत धिरजी छै।

१ कोरन्‍थी 5:7

तोरासबके बिचसे पुरन्‍का खमिर हटा, तब तुसब खमिर बिनाके सुध अँटा हेब्‍ही। कथिलेत अपनासबके निस्‍तार पाबैनके थुमा, खिरिस्‍ट बली भ्‍याचुकल छै।

फिलिप्‍पी 2:8

उ मानबके रुप धारन कैरके आपनके नम्‌र बनाइल्‍कै आ मिरतु तक मातरे नै, कुरूसके मिरतु तक आग्‍याकारी भ्‍याके रहलै।

हिबरु 12:2

अपनासबके बिस्‍बास सुरु करैबला आ पुरा करैबला येसुके देख। जे पाछुसे पाबैबला आनन्‍दके लेल अपमानके कुछो नै सोइचके कुरूसमे दुख भोगल्‍कै आ अखैन उ परमेस्‍वरके सिंहासनके दहिनाकात बैठलछै।

हिबरु 9:22

बास्‍तममे बेबस्‍थाके कहल अनुसार बली चरह्‍याल लहुसे अक्‍सरहा सब चिजके सुध करैछै आ लहु बहाइने बिना पापके छमा नै हैछै।