युहन्‍ना 19:28 - मध्‍य पुरविया थारू

²⁸ जब येसु सबकाम पुरा भेलै कैहके थाह भेलै से जाइनके पबितर धरमसास्‍तर पुरा हैके उदेस्‍यसे “हमरा पियास लाग्‍लै” कहल्‍कै।

युहन्‍ना 19:28 ပူးပေါင်းရင်းမြစ်များ

लुका 12:50

एकटा दुखके बप्‍तिस्‍मा हमरा लैले परतै। जाबेतक हम उ बप्‍तिस्‍मा नै लेबै ताबेतक हमरा चैन नै हेतै।

लुका 18:31

येसु बारहो चेलासबके कातमे लेजाके कहल्‍कै, “सुन, आब अपनासब यरुसलेम ज्‍यारहल चियै। अगमबक्‍तासब मानबके बेटाके बारेमे लिखलाहा सबबातसब ओतै पुरा हेतौ।

लुका 22:37

हम तोरासबके कहैचियौ, ‘उ अपराधीसबसङे गनल गेलै’ यि पबितर धरमसास्‍तरमे लिखलाहा बातसब हमरमे पुरा हेबैये परतै। कथिलेत हमर बारेमे लिखल बातसब पुरा भ्‍यारहलछै।”

लुका 9:31

उसब स्‍वरगिय इजोतसे चम्‍कैत रहै। उसब येसुके मिरतुके बारेमे बातचित करैछेलै। यि बात यरुसलेममे पुरा हैके छेलै।

युहन्‍ना 13:1

निस्‍तार पाबैनसे पहिने, येसु अइ सन्‍सार छोइरके पितालग जाइबला समय आइबगेल छै से उ जानैछेलै। तब उ सन्‍सारमे भेल आपन चेलासबके परेम करल्‍कै आ अन्‍तिम समयतक उसबके परेम कैरते रहलै।

युहन्‍ना 17:4

अहाँ जे काम करैले हमरा जिमा देनेछेलियै, से काम पुरा कैरके पिरथिबीमे हम अहाँके महिमा करनेचियै।

युहन्‍ना 18:4

आपन उपर आबैबला सब बात येसुके थाह छेलै, तैल्‍याके अगा ज्‍याके उसबके पुछल्‍कै, “तुसब ककरा ताकैचिही?”

युहन्‍ना 19:24

यि देखके उसब आपसमे कहल्‍कै, “एकरा नै फारु, महज यि ककर भागमे परतै से चिठा लगबु।” पबितर धरमसास्‍तरमे लिखल बात अनङके पुरा भेलै, “उसब हमर बस्‍तरसब आपसमे बाटल्‍कै आ हमर बस्‍तरके लेल चिठा लगेल्‍कै।” तैल्‍याके सिपाहीसब ओहिनङे करल्‍कै।

युहन्‍ना 19:30

तब येसु उ पिके कहल्‍कै, “आब पुरा भेलै।” तकरबाद उ आपन मुरी तर कैरके परान तियाइग देल्‍कै।

युहन्‍ना 19:36

“ओकर एकोटा हडी नै टुटतै” से धरमसास्‍तरमे लिखल बात पुरा हेबे कैहके यि भेल छै।

युहन्‍ना 4:34

येसु ओइसबके कहल्‍कै, “हमर खाइबला चिज यि चियै, जे हम आपन पठाबैबलाके इक्‍छा बमोजिम करनाइ आ ओकर काम पुरा करनाइ चियै।

परेरित 13:29

आ ओकर बिसयमे लिखल सब बात उसब पुरा करलाके बाद उसब येसुके कुरूससे निचा उताइरके चिहानमे लज्‍याके राखल्‍कै।