युहन्‍ना 19:19 - मध्‍य पुरविया थारू

¹⁹ पिलातस एकटा दोस-पतरो लिखैले आ कुरूसमे टाङैले लगाइल्‍कै। उ दोस पतरमे एहेन लिखल छेलै, “नासरतके येसु, यहुदीसबके रजा।”

युहन्‍ना 19:19 ပူးပေါင်းရင်းမြစ်များ

मतीके लिखल सुसमाचार 2:23

ओतेसे उ नासरत नामके सहरमे रहेलाग्‍लै। अहिनङे परमेस्‍वरके अगमबक्‍तासबके कहल बात पुरा भेलै: “उ नासरी कहेतै।”

मतीके लिखल सुसमाचार 27:37

ओकर मुरीके उपरमे दोसपतर लिखके टाइङदेल्‍कै जैमे एहेन लिखल छेलै, “यि येसु यहुदीसबके रजा चियै।”

मरकुस 15:26

ओकर दोस लग्‍याल दोस पाटिमे “यहुदीसबके रजा” लिखल छेलै।

लुका 18:37

लोकसब ओकरा जबाफ देल्‍कै, “नासरतके येसु यहै बाटे ज्‍यारहल छै।”

लुका 23:38

“यि यहुदीसबके रजा चियै” से बात पाटीमे लिखल ओकर मुरीके उपरमे टाङल छेलै।

युहन्‍ना 1:49

नथानेल जबाब देल्‍कै, “गुरु जी, अहाँ परमेस्‍वरके बेटा चियै! अहाँ त इजराएलके रजा चियै।”

युहन्‍ना 18:33

तब पिलातस फेनो दरबार भितर गेलै आ येसुके बोल्‍याके कहल्‍कै, “कि तु यहुदीसबके रजा चिही?”

युहन्‍ना 19:12

यि बात सुइनके पिलातस फेनो येसुके छोरैले चाहल्‍कै। महज यहुदीसब किलोल करैत कहल्‍कै, “जब ओकरा छोरबै त अहाँ समराट कैसरके सङी नै भेलियै! जे कोइ आपनके रजा चियै कहैछै उ कैसरके बिरोधी चियै!”

युहन्‍ना 19:14

तै बखत निस्‍तार पाबैनके तैयारीके दिन छेलै आ लगभग दुपहर भेल छेलै। नियाइ आसनमे बैठल पिलातस यहुदीसबके कहल्‍कै, “देख, तोरासबके रजा!”

युहन्‍ना 19:21

तब यहुदीसबके मुल पुजारीसब पिलातसके कहल्‍कै, “‘यहुदीसबके रजा’ नै, महज ‘यि लोक हम यहुदीसबके रजा चियै कैहके कहने छेलै’ से लिखु।”

युहन्‍ना 19:3

तब ओकरलग आइबके “यहुदीसबके रजा, गोर लागैची!” कहैत ओकरा थपराइले लाग्‍लै।

परेरित 26:9

“हम्‍हु सोचै छेलियै कि, येसु नासरीके नामके बिरोधमे बहुत काराबाही करेके परतै।

परेरित 3:6

तब पतरुस कहल्‍कै, “सोना चानी त हमरसङे नै छै, महज जे हमरसङे छै, ओह्‍या हम तोरा देबौ। नासरतके येसु खिरिस्‍टके नाममे उइठके चल!”