युहन्‍ना 18:32 - मध्‍य पुरविया थारू

³² आपन मिरतु कनङके हेतै कैहके येसुके कहल बात पुरा हैकेलेल ऐहेन भेल छेलै।

युहन्‍ना 18:32 ပူးပေါင်းရင်းမြစ်များ

मतीके लिखल सुसमाचार 20:19

तब ओकरा गैर-यहुदीसबके हाथमे सौपतै। ओकरा गिल्‍ला करतै, कोरासे पिटतै आ कुरूसमे टाङइके माइरदेतै। महज फेनो उ तेसर दिनमे जिबित भ्‍याके उठतै।”

मतीके लिखल सुसमाचार 26:2

“तोरासबके थाहे छौ कि आइके दुइ दिन बाद निस्‍तार पाबैन छै। ओहै समयमे हम मानबके बेटा कुरूसमे टाङैके लेल पकराएल जेबै।”

मरकुस 10:33

येसु कहल्‍कै, “सुन, अपनासब यरुसलेम दिसन जाइचियै। ओते मानबके बेटाके मुल पुजारी आ धरमगुरुसबके जिम्‍मा लगेतौ। उसब ओकरा मिरतुदन्‍डके लेल दोसी ठहरेतै आ आनजातसबके हाथमे सोप देतै।

युहन्‍ना 10:31

यहुदी अगुवासब फेनो येसुके मारैके लेल पथल उठाइल्‍कै।

युहन्‍ना 10:33

यहुदी अगुवासब येसुके जबाफ देल्‍कै, “असल कामके लेल हमसब तोरा नै मारबौ, महज तु परमेस्‍वरके बिरुधमे निन्‍दा करैके कारन पथलेसे तोरा मारैले चाहलियौ। कथिलेकी तु मानब भ्‍याके अपनेके परमेस्‍वर कहैचिही।”

युहन्‍ना 13:18

“हम तोरासबके बारेमे नै कैहरहल चियौ, जकरा-जकरा हम चुन्‍ने चियै ओकरासबके जानैचियै। महज पबितर धरमसास्‍तर पुरा हेबे कैहके ‘जे हमर रोटी खाइछै ओह्‍या हमर बिरोधमे आपन एरी उठाइनेछै।’

युहन्‍ना 18:31

पिलातस ओइसबके कहल्‍कै, “अकरा तुसब ल्‍याजो आ तोरासबके आपन बेबस्‍था अनुसार नियाइ कर।” तब यहुदीसब पिलातसके कहल्‍कै, “ककरो मिरतुदन्‍ड दैके अधिकार हमरासबके नै छै।”

युहन्‍ना 21:19

(केहैन मिरतुसे उ परमेस्‍वरके महिमा करतै कैहके संङकेत करैत येसु यि बात कहल्‍कै।) अतहेक कहैत उ ओकरा कहल्‍कै, “हमर पछा चल।”

युहन्‍ना 3:14

उजार जगहमे जहिनङ मोसा पितैरके साँपके उठेल्‍कै तहिनङे मानब-बेटा उठाल जेतै।

युहन्‍ना 8:28

तहैलेल येसु कहल्‍कै, “जब तुसब मानबके बेटाके उपर उठाइबिही, तखन तुसब जानबिही कि हम ओह्‍या चियै। हम आपने मनसे कुछो नै करैचियै महज पिता हमरा जे कुछो सिखाइने छै, ओह्‍या बात बोलैचियै कैहके तुहुसब बुझबिही।

परेरित 7:59

जैहनङ उसब स्‍तिफनस उपर पथल मारैत खिना एहेन कहैत परथना करैतरहै, “हे परभु येसु, हमर आत्‍माके सुइकारु।”

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”