युहन्‍ना 18:20 - मध्‍य पुरविया थारू

²⁰ तब येसु ओकरा जबाफ देल्‍कै, “हम त सबकोइ सुने कैहके खुलमखुला कहनेचियौ। हम हरदम सभाघरसब आ मन्‍दिरमे आपन सिक्‍छा देलियै, जते यहुदीसब जमा हैछै। हम आपन सिक्‍छा गुप्‍तमे नै देने चियै।

युहन्‍ना 18:20 ပူးပေါင်းရင်းမြစ်များ

मतीके लिखल सुसमाचार 24:26

यदी लोकसब तोरासबके ‘देख, उ सुनसान जगहमे छौ’ कैहके कहतौ त ओते नै जाइहे आ ‘देख, उ घर भितर छौ’ कैहके कहतौ त बिस्‍बास नै करिहे।

मतीके लिखल सुसमाचार 26:55

तकरबाद येसुके पकरैले ऐल भिरके लोकसबके कहल्‍कै, “कि हम डाकु चियै से सोइचके तुसब हमरा पकरैले तलबार आ लाठी ल्‍याके एलचिही? दिनदिने त हम मन्‍दिरमे सिक्‍छा दैत तोरेसबसङे छेलियौ तखुन हमरा नै पकरलिही।

मतीके लिखल सुसमाचार 26:65

यि बात सुन्‍ते मातर परधान पुजारी आपन बस्‍तर फाइरके बाज्‍लै, “उ त इस्‍वर निन्‍दा करल्‍कै। तुसब त इस्‍वर निन्‍दा सुन्‍बे करलिही। आब कथिले अकर बिरोधमे हमरासबके कोनो परमान चाही?

मतीके लिखल सुसमाचार 4:23

येसु पुरे गालिल परदेसके सभाघरसबमे सिक्‍छा देबे लाग्‍लै, स्‍वरगके राजके सुसमाचार परचार करैत आ लोकसबमे लागल सब परकारके रोग-बिमारके निक करल्‍कै।

मतीके लिखल सुसमाचार 9:35

येसु सब सहर-सहर आ गाम-गाम घुमे लाग्‍लै। उ यहुदीसबके सभाघरसबमे सिक्‍छा दैत, परमेस्‍वरके राजके सुसमाचार सुनाइत आ लोकसबके हरेक किसिमके रोग-बिमारसे निक करैत गेलै।

मरकुस 8:32

से बात खोइलके येसु आपन चेलासबके कहल्‍कै। महज यि सुइनके पतरुस ओकरा एक कातमे लज्‍याके हपारल्‍कै।

लुका 21:37

येसु सबदिन मन्‍दिरमे सिक्‍छा दैछेलै आ रातके जैतुन पहारके टुप्‍पीमे ज्‍याके रात बिताबै छेलै।

लुका 4:15

येसु ओइ ठामके यहुदी सभाघरमे सिक्‍छा देल्‍कै आ सबकोइ ओकर परसन्‍सा करे लाग्‍लै।

युहन्‍ना 18:21

अहाँ हमरा कथिले पुछैचियै? ओकरासबसे पुछु, जे हमर कहल बातसब सुन्‍नेछै। ओकरासबके हमर कहल बातसब थाहछै।”

युहन्‍ना 6:59

येसु यि बात कफरनहुम सहरके सभाघरमे सिक्‍छा दैबखत कहने छेलै।

युहन्‍ना 7:14

जब पाबैनके अधा दिन बित्‍लै तब येसु मन्‍दिरमे ज्‍याके सिक्‍छा देबे लाग्‍लै।

युहन्‍ना 7:26

देख, उ त खुलमखुला बोलैछै, महज उसब ओकरा कुछो नै कहैछै! यि त मुक्‍ती दैबला खिरिस्‍ट चियै कैहके सासकसब साँचोके थाह पाबल्‍कै कि कथी?

युहन्‍ना 7:28

येसु मन्‍दिरमे सिखाइबखत, जोरसे कहल्‍कै, “तुसब हमरा चिन्‍हैचिही आ हम कतेसे एलचियौ सेहो तुसब जानैचिही। महज हम आपने मनसे नै एलचियौ। जे हमरा पठाइनेछै, उ सत छै आ ओकरा तोरासब नै चिन्‍हैचिही।

युहन्‍ना 7:4

जे लोक नाम कमाबैले चाहैछै, उ घोसैरके कोनो काम नै करैछै। यदि अहाँ यि काम करैचियै त अहाँ आपनेके सन्‍सारमे परगट करु।”

युहन्‍ना 8:2

बिहान सबेरे येसु फेनो मन्‍दिरमे घुइमके एलै। सबलोक ओकरलग एलै आ उ बैठके ओकरासबके सिक्‍छा दैले लाग्‍लै।

युहन्‍ना 8:26

तोरासबके बारेमे कहैबला आ नियाइ करैबला बहौत बातसब हमरसङे छै। महज हमरा पठाइबला सत छै आ हम जे ओकरसे सुन्‍ने चियै ओहे बात सन्‍सारके लोकसबके बताइचियै।

परेरित 26:26

खुद रजा अगरिपासके यि बातसब मालुम छै तै लेल हम ओकर सामने निडर भ्‍याके बोइलरहल चियै। हम बिस्‍बास दियाबैचियौ कि कोनो भि बात ओकरसे घोसरल नै छै। कथिलेत यि सब बातसब गुप-चुपमे नै भेल छै।