युहन्‍ना 18:12 - मध्‍य पुरविया थारू

¹² तकरबाद सिपाहीसब आ ओकर कप्‍तान यहुदीसबके पहरेदारसब येसुके पकैरके उल्‍टा बान्‍ह बानहल्‍कै।

युहन्‍ना 18:12 ပူးပေါင်းရင်းမြစ်များ

मतीके लिखल सुसमाचार 26:57

येसुके पकरैबलासब ओकरा परधान पुजारी कैयाफालग ल्‍यागेलै। ओते धरमगुरुसब आ अगुवासब जमा भेल छेलै।

मतीके लिखल सुसमाचार 27:2

तब उसब ओकरा बाइन्‍हके लगेलै आ बडा हाकिम पिलातसके जिमा लगादेल्‍कै।

मतीके लिखल सुसमाचार 27:27

तकरबाद बडा हाकिमके सिपाहीसब येसुके राज महलमे ल्‍यागेलै आ पुरे पलटन ओकरा चारु कातसे घेरल्‍कै।

मरकुस 14:53

तब उसब येसुके परधान पुजारी लग आनल्‍कै। ओते मुल पुजारीसब, धरमगुरुसब आ औरो अगुवासब जम्‍मा भेल छेलै।

मरकुस 15:1

बिहान सबेरे मुल पुजारीसब, धरमगुरुसबसे, अगुवासबसे आ महासभाके सब सदससबसे सङे आपसमे सरसल्‍लाह कैरके योजना बनेल्‍कै। तब उसब येसुके बाइन्‍हके बडाहाकिम पिलातसलग आनल्‍कै।

लुका 22:54

तब उसब येसुके पकरल्‍कै आ पकैरके ओकरा मुल पुजारीके घरमे आनल्‍कै। महज पतरुस दुरेसे ओकर पछा लागल गेलै।

युहन्‍ना 18:3

तैबखत यहुदा सिपाहीसबके एकटा दल, मुल पुजारीसब आ फरिसीसबसे पठ्‍याल पहरेदारसबके ल्‍याके ओते एलै। उसब आपन साथमे लालटेम, उँकासब आ हाथ-हथियारसब बोक्‍ने छेलै।

परेरित 10:1

कैसरियामे करनेलियस नामके एकटा लोक रहै, जे रोमी सेनामे इटालिया पल्‍टनके कप्‍तान रहै।

परेरित 21:31

उसब पावलके जानेसे माइर दैके बिचारमे छेलै, महज तखुन्‍ते यि बातके खबर रोमी सेनापतीके कानमे पुग्‍लै जे, सौसे यरुसलेम सहरमे हुलदङा हेबे लाग्‍लै।

परेरित 21:37

जब सिपाहीसब पावलके गढ़के भितर लजाइत खिना सेनापतीके गिरिक भसामे कहल्‍कै, “यदी अहाँ आग्‍या देबै त कुछ बात राखु।” सेनापती कहल्‍कै,

परेरित 23:10

जब ओइसबमे मतभेद बरहैत गेलै तब सेनापती डेरागेलै जे पावलके उसब टुकरा-टुकरा कैर नै दै। तैल्‍याके उ सैनिकसबके निचा ज्‍याके पावलके ओइसबके बिचसे जबरजस्‍तीसे गढ़मे लजाइले आग्‍या करल्‍कै।