युहन्‍ना 17:24 - मध्‍य पुरविया थारू

²⁴ “हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

युहन्‍ना 17:24 ပူးပေါင်းရင်းမြစ်များ

मतीके लिखल सुसमाचार 25:21

मालिक कहल्‍कै, ‘स्‍याबास! तु असल आ बिस्‍बास योग्‍य नोकर चिही। थोरबे चिजमे तु बिस्‍बास योग्‍य रहलिही। आब हम तोरा बहौत चिजके जिमा देबौ। हमरासङे आनन्‍द मना।’

मतीके लिखल सुसमाचार 25:23

उ मालिक कहल्‍कै, ‘स्‍याबस! तु असल आ बिस्‍बास योग्‍य नोकर चिही। तु थोरबेमे बिस्‍बास योग्‍य भेल्‍ही। आब हम बहौत चिजके जिमा देबौ। हमरसङे आनन्‍द मना।’

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

मतीके लिखल सुसमाचार 26:29

हम तोरासबके कहैचियौ जाबेतक परमेस्‍वरके राजमे हम नै एबै ताबे तक लबका अङगुरके मध नै पिबौ।”

लुका 12:37

उ नोकरसब धैनके चियै, जब मालिक घर आबैछै त उसबके जागल देखैछै। साच्‍चे हम तोरासबके कहिचियौ, उ आपन डाँर कैसके ओकरासबके खियाइले बैठेतै आ आइबके सेबा करतै।

लुका 23:43

तब येसु ओकरा जबाब देल्‍कै, “साँचोके हम तोरा कहैचियौ, आइयेके तु हमरसङे स्‍वरगमे रहबिही।”

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

युहन्‍ना 12:26

जे हमर सेबा करैले चाहैछै उ हमर पछा आबे आ हम जते रहबै ओते हमर सेबक सेहो रहतै। जे कोइ हमर सेबा करैछै हमर पिता तकरा आदर करतै।

युहन्‍ना 14:3

हम ज्‍याके तोरासबके खातिर ठाम तयार करलाके बाद फेनो एबौ आ तोरासबके आपनलग ल्‍याजेबौ, तैल्‍याके हम जते रहैचियै ओतै तुहुसब हमरसङे रहबिही।

युहन्‍ना 15:9

“जनङ पिता हमरा परेम करने छै, हम्‍हु तोरासबके परेम करनेचियौ। आब तुसब हमर परेममे रह।

युहन्‍ना 17:2

कथिलेत अहाँ आपन बेटाके सब लोकसब उपर अधिकार देनेचियै, ताकि अहाँके देल सब लोकसबके अनन्‍त जिबन देबेसकी।

युहन्‍ना 17:22

जे महिमा अहाँ हमरा देनेचियै, ओह्‍या महिमा हम ओइसबके देनेचियै, ताकि जहिनङे हम आ अहाँ एक चियै तहिनङे ओहोसब एक हेबे।

युहन्‍ना 17:5

हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

युहन्‍ना 6:37

जकरा पिता हमरा देनेछै उ हमरलग एतै आ जे कोइ हमरलग एतै ओकरा हम कहियो नै छोरबै।

युहन्‍ना 6:39

हमरा पठाइबलाके इक्‍छा यि चियै, कि उ हमरा देल्‍हासबमेसे हम ककरो नै नास हैले देबै, महज अन्‍तके दिनमे उसबके जियाइबै।

युहन्‍ना 8:58

तब येसु ओकरासबके कहल्‍कै, “हम तोरासबके साँचोके कहैचियौ, अबराहमके जलमसे पहिनेसे हम चियै।”

१ कोरन्‍थी 13:12

अखुन हमसब ऐनामे धोनराह देखैचियै, महज ओइ बखतमे साफ-साफ देख्‍बै। अखुन हम कमे बुझैचियै महज ओइ बखत परमेस्‍वर हमर बारेमे सब बात जानल जखा, हम्‍हु सब बात जान्‍बै।

२ कोरन्‍थी 3:18

हमरासबके नै झापले चेहरासे परभुके महिमाके झलकाइचियै। परभु आत्‍मा चियै आ उ अपनासबके औरो आपनलखा महिमामय रुपमे परिबरतन कैरतेजेतै।

२ कोरन्‍थी 4:6

“अन्‍हारमे इजोत चम्‍के” कहैबला परमेस्‍वरे हमरासबके हिरदयमे इजोत चमकाइनेछै। अहैलेल परमेस्‍वरके महिमा महान चियै कैहके हमसब जानैचियै। साँचोके उ महिमामय ग्‍यानके इजोत खिरिस्‍टके चेहरामेछै।

२ कोरन्‍थी 5:8

अपनासबके पुरा भरोसा छै, बरु हमसब अइ भौतिक देह त्‍यागके परभुसङे रहैले चाहैचियै।

फिलिप्‍पी 1:23

हम त दोधारमे परल चियै। बरु अइ सन्‍सारसे बिदा भ्‍याके खिरिस्‍टसङे रहैके हमर बरका इक्‍छाछै, कथिलेकी यि एकदम असल बात चियै।

१ थेसलोनिकी 4:17

तब हमसब जिबित भेल्‍हासब परभुके अकासमे भेटैले ओइसबके सङे-सङे बादलमे उठ्‍याल ज्‍याब आ सबदिन हमसब परभुसङे रहब।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

परकास 21:22

हम सहरके भितरमे कोनो मन्‍दिर नै देखलियै। कथिलेत सरबसक्‍तिमान परभु परमेस्‍वर आ थुमे ओइ सहरके मन्‍दिर छेलै।

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’